(မှုခင်း) ဖေဖော်ဝါရီ ၁၁
မွန်ပြည်နယ်၊ သထုံမြို့နယ်၌ သုံးဘီးဆိုင်ကယ် တိမ်းမှောက်ခဲ့မှုကြောင့် အမျိုးသမီး နှစ်ဦး သေဆုံးကာ အမျိုးသား တစ်ဦး၊ အမျိုးသမီး တစ်ဦးနှင့် ကလေးငယ် နှစ်ဦး ထိခိုက်ဒဏ်ရာ ရရှိခဲ့ကြောင်း သိရသည်။
ဖေဖော်ဝါရီ ၈ ရက် နံနက် ၉ နာရီ ၁၅ မိနစ်တွင် မွန်ပြည်နယ်၊ သထုံမြို့နယ်၊ ငါးပြေမကျေးရွာ၊ ရန်ကုန်-မော်လမြိုင်ကားလမ်း မိုင်တိုင်အမှတ် ၁၃၃ မိုင်နှင့် ၁၃၃ မိုင် ၁ ဖာလုံကြား၌ ယာဉ်တိမ်းမှောက်မှု ဖြစ်ပွားကြောင်း သတင်းအရ သိမ်ဆိပ်နယ်မြေရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ ဘီးလင်းမြို့နယ်၊ တဘက်ဆွဲကျေးရွာနေ ဦးချစ်လွင်(၄၃)နှစ် မောင်းနှင်ပြီး တစ်ရွာတည်းနေသူများဖြစ်ကြသည့် ဒေါ်တင်နု(၇၀)နှစ်၊ ဒေါ်မဆွေ(၇၀)နှစ်၊ ဒေါ်မယ်ဆွေ(၆၀)နှစ်၊ မဝါဆိုမိုး(၁၂)နှစ်နှင့် မထက်မြတ်နိုးစံ(၉)လတို့ လိုက်ပါစီးနင်းလာသည့် 27U-XXXX သုံးဘီးဆိုင်ကယ်သည် ဘီးလင်းမြို့မှ သထုံမြို့ဘက်သို့ မောင်းနှင်လာစဉ် အခင်းဖြစ်နေရာအရောက်၌ အရှိန်မထိန်းနိုင်ဘဲ လမ်းဘေးသို့ ထိုးကျတိမ်းမှောက်ခဲ့ကြောင်း သိရသည်။
အဆိုပါ သုံးဘီးယာဥ်တိမ်းမှောက်မှုကြောာင့် ဒေါ်တင်နုနှင့် ဒေါ်မဆွေတို့တွင် ထိခိုက်ဒဏ်ရာများ ရရှိကာ သေဆုံးခဲ့ပြီး ဦးချစ်လွင်၊ ဒေါ်မယ်ဆွေ၊ မဝါဆိုမိုးနှင့် မထက်မြတ်နိုးစံတို့တွင် ထိခိုက်ဒဏ်ရာများ အသီးသီးရရှိခဲ့သောကြောင့် ချစ်လွင် အား သိမ်ဆိပ်နယ်မြေရဲစခန်း ယာဉ်(ပ)၁/၂၀၂၆၊ ရာဇသတ်ကြီးပုဒ်မ ၂၇၉/၃၃၇/၃၀၄-က ဖြင့် အမှုဖွင့်အရေးယူထားကြောင်း သိရသည်။