2025Election19Nov
ပညာရေးဝန်ကြီးဌာန၊ အဆင့်မြင့်ပညာဦးစီးဌာနအောက်က တက္ကသိုလ်၊ ဒီဂရီကောလိပ်တွေက အပ်နှံခံရာမှာ ကြိုတင်ဆန္ဒမဲပေးခဲ့ကြောင်း အထောက်အထားပြသဖို့မညွှန်ကြားထားဘူးလို့ ပြည်ထောင်စုရွေးကောက်ပွဲကော်မရှင်က ပြောပါတယ်။
တက္ကသိုလ်တချို့မှာ ကျောင်းအပ်နှံတဲ့အခါ ကျောင်းသား/ကျောင်းသူတွေအနေနဲ့ ကြိုတင်မဲပေးထားကြောင်း အထောက်အထား ပြသရမယ်ဆိုတဲ့ တက္ကသိုလ်အချို့ရဲ့ ကြေညာချက်ဆိုပြီး သတင်းတွေမှာ ဖော်ပြတာတွေ့ရတာကြောင့် ကြိုတင်ဆန္ဒမဲပေးခဲ့ကြောင်းအထောက်အထားပြသဖို့ ပြည်ထောင်စုရွေးကောက်ပွဲကော်မရှင်က ညွှန်ကြားထားခြင်း ရှိမရှိ သိလိုတယ်လို့ ရွေးကောက်ပွဲကော်မရှင်ကို မီဒီယာတစ်ခုက မေးမြန်းချက်အပေါ် အခုလိုပြန်လည်ဖြေကြားခဲ့တာဖြစ်ပါတယ်။
တက္ကသိုလ်၊ ဒီဂရီကောလိပ်တွေရဲ့
သင်တန်းတွေအားလုံးကို နိုဝင်ဘာ ၁၇ ရက်ကစလို့ ကျောင်းအပ်လက်ခံတော့မှာဖြစ်တယ်လို့ သိရပါတယ်။
ပြည်ထောင်စုရွေးကောက်ပွဲကော်မရှင်အနေနဲ့ သက်ဆိုင်ရာပြည်ထောင်စုဝန်ကြီးဌာနတွေက တာဝန်ယူဖွင့်လှစ်တဲ့ တက္ကသိုလ်၊ ဒီဂရီကောလိပ်၊ ကောလိပ်တွေမှာတက်ရောက်ကြရမယ့် ကျောင်းသား၊ ကျောင်းသူတွေ သက်ဆိုင်ရာကျောင်းတွေကို မသွားရောက်မီ ၁၇ – ၁၁ – ၂၀၂၅ ရက်နေ့ကနေ ၂၁ – ၁၁ – ၂၀၂၅ ရက်နေ့အထိ သက်ဆိုင်ရာ
ရပ်ကွက်/ကျေးရွာအုပ်စုကော်မရှင်အဖွဲ့ခွဲတွေမှာ သတ်မှတ်ချိန်အတွင်း ကြိုတင်မဲပေးနိုင်ရေး ဆောင်ရွက်ပေးနေတယ်လို့ သိရပါတယ်။
ကျောင်းအပ်လက်ခံရာမှာလည်း ကြိုတင်ဆန္ဒမဲပေးခဲ့ကြောင်း အထောက်အထားပြသဖို့
ပြည်ထောင်စုရွေးကောက်ပွဲကော်မရှင်က ညွှန်ကြားထားတာမရှိပါဘူးလို့ ပြန်လည်ဖြေဆိုထားပါတယ်။
#PAN