(ပြည်တွင်းး) ဇွန် ၁
မန္တလေးတိုင်းဒေသကြီး ၊ အောင်မြေသာစံမြို့နယ်၊မဟာဇေယျာဘုံရပ်ကွက်၊၂၆×၆၀ လမ်းထောင့်ရှိ ဦးဟန်တင် ဆေးဆိုင်၊အလျား ၃၆ပေ၊အနံ ၂၈ပေရှိ RC ၄ထပ်တိုက်အဆောက်အဦး ပြိုကျသဖြင့် အလုပ်သမားတစ်ဦးသေဆုံး သေဆုံးသွားကြောင်း သိရသည်။
ယမန်နေ့ ညနေ၅နာရီ၅၅မိနစ် အချိန်ခန့်တွင် ဦးစိုင်းမြင့်၊၅၉နှစ်၊(ဘ)ဦးပူလွယ်ထွန်၊၆၄-Bလမ်း၊ ၁၁၅×၁၁၆ လမ်းကြား၊ ပြည်ကြီးတံခွန်မြို့နယ်နေသူ ပိုင်ဆိုင်သည့်RC ၄ထပ်တိုက်အဆောက်အဦးမှာ မြေငလျင်ဒဏ်ကြောင့် အဆောက်အဦးတိုင်နှင့်နံရံများ အက်ကွဲမှုများဖြစ်ပွားခဲ့သဖြင့် မြို့နယ်အဆောက်အဦးစစ်ဆေးရေးအဖွဲ့မှ အနီရောင်သတ်မှတ်ထားသည့် အဆောက်ဦးဖြစ်ကြောင်း ၊၎င်းအဆောက်အဦးအား ပိုင်ရှင်မှ မိမိအစီအစဉ်ဖြင့် ငှားရမ်းထားသည့် အလုပ်သမား နိုင်ထက်ဦး ဦးစီး ၇ဦးမှ ဖြိုချရှင်းလင်းခဲ့ရာ အလုပ်သမားများမှာ တစ်နေ့တာ လုပ်ငန်းပြီးစီး၍ လုပ်ငန်းသိမ်းရန် ပစ္စည်းများ သိမ်းဆည်းနေစဉ် အဆောက်အဦး ပြိုကျမှုဖြစ်ပွားခဲ့ကြောင်း သိရသည်။
အဆိုပါ အဆောက်အဦးပြိုကျမှုကြောင့် ညွန့်အောင်၊၁၈နှစ်(ဘ)ဦးမျိုးထွန်း၊လှိုင်သာယာမြို့နယ်၊ရန် ကုန်တိုင်းဒေသကြီးနေထိုင်သူသည် အဆောက်အဦးပြိုကျမှုကြောင့် သေဆုံးခဲ့ပြီး နိူင်ထက်ဦး၊၄၅နှစ်၊(ဘ)ဦးဝင်းစိန်၊လှိုင်သာယာမြို့နယ်၊၂၂ ရပ်ကွက်၊ ရန်ကုန်တိုင်းဒေသကြီးနေသူမှာ ယာ-ချိုစောင်း ပေါက် ပြဲဒဏ်ရာ၊ဝဲဘက်နဖူး ဖူးရောင်ဒဏ်ရာ၊ဝဲဘက်လက်ပြင် ပွန်းပဲ့ဒဏ်ရာ(မစိုးရိမ်ရ)တို့ရရှိခဲ့ကြောင်း သိရသည်။
#PAN