(မှုခင်း) မေလ ၁၃
အမျိုးသမီးတစ်ဦးအား တရုတ်ဇနီးမယားအဖြစ် ပိုဆောင်ရောင်းစားရန် စီစဉ်ဆောင်ရွက်ခဲ့ကြသူများကို လူကုန်ကူးမှုဖြင့် အလုပ်နှင့် ထောင်ဒဏ် ၁၅ နှစ်စီကျခံရန် အမိန့်ချမှတ်ခဲ့ကြောင်း မြန်မာနိုင်ငံရဲတပ်ဖွဲမှ သိရသည်။
မန္တလေးတိုင်းဒေသကြီး၊ ပြင်ဦးလွင်မြိုနယ်၊ သံမဏိစက်ရုံ (အနောက်)၊ အနီးစခန်းနေ မခင်မိုးမိုးလွင်နှင့် ရန်ကုန်တိုင်းဒေသကြီး ဒဂုံမြိုသစ်(မြောက်ပိုင်း)မြို့နယ်၊ ဗထူးတိုက်ခန်း တိုက်အမှတ် DD-5၊ (၇)လွှာနေ မခွန်းဆက်ဝေ တို့က ပဲခူးတိုင်းဒေသကြီး၊ တောင်ငူမြို့နယ်၊ အိုင်သုံးဆင့်ရွာနေ မ—၊ ၂၂/၂၀၂၄ နှစ်အား တရုတ်ဇနီးအဖြစ် လုပ်ကိုင်ရန်ပြောဆိုစည်းရုံးပြီး တရုတ်နိုင်ငံသို့ ပို့ဆောင်ရန် စီစဉ်ဆောင်ရွက်ခဲ့သဖြင့် ချမ်းအေးသာစံမြို့နယ်၊ အမှတ်(၈)မြို့မရဲစခန်း (ပ)၁၆၁/၂၀၂၄ လူကုန်ကူးမှုတားဆီးနှိမ်နင်းရေးဥပဒေပုဒ်မ ၃၅/၄၄ ဖြင့် အမှုရေးဖွင့်တရားစွဲတင်ထားကြောင်း သိရသည်။
မဟာအောင်မြေခရိုင်တရားရုံးမှ မေ ၁၈ ရက်တွင် တရားခံ မခင်မိုးမိုးလွင် (ခ)မမိုးနှင့် မခွန်းဆက်ဝေ တို့ နှစ်ဦးအား လူကုန်ကူးမှုတားဆီးနှိမ်နင်းရေး ဥပဒေပုဒ်မ ၃၅ အရ အလုပ်နှင့် ထောင်ဒဏ် ၁၅ နှစ်စီကျခံစေရန်အမိန့်ချမှတ်ခဲ့ကြောင်း သိရသည်။
Telegram»…
https://t.me/positiveanglenews