(ပြည်တွင်း) ဖေဖော်ဝါရီ ၂၇

ရန်ကုန်တိုင်းဒေသကြီး အမျိုးသမီးကော်မတီမှ ကြီးမှူးပြီး MissYangon2025 ပြိုင်ပွဲကြီးကို ၂၀၂၅ ခုနှစ် အပြည်ပြည်ဆိုင်ရာအမျိုးသမီးနေ့ အထိမ်းအမှတ်အဖြစ် ရန်ကုန်တိုင်းဒေသကြီး မရမ်းကုန်းမြို့နယ် MCC ခန်းမတွင် မတ်လ(၇)ရက်နေ့ နံနက် (၉)နာရီအချိန်တွင် ကျင်းပပြုလုပ်ပါမည်ဖြစ်ပြီး ။ အဆိုပါပြိုင်ပွဲကြီးတွင် ပါဝင်ယှဉ်ပြိုင်လိုသူများ အနေဖြင့် အောက်ပါစည်းကမ်းချက်များနှင့် ကိုက်ညီပါက မည်သူမဆို ဝင်ရောက်ယှဉ်ပြိုင်နိုင်ကြောင်းကျင်းပရေးကော်မတီထံကနေသိရပါတယ်။ စည်းကမ်းချက်များမှာ(၁) အိမ်ထောင်မကျဖူးသူအပျိုဖြစ်ရမည်။

(၂) အရပ်အမြင့် အနိမ့်ဆုံး (၅ ပေ ၄ လက်မ) ရှိရမည်။ (၃) ကိုယ်အလေးချိန်ပေါင် (၁၂၀) နှင့် (၁၆၀) ကြားဖြစ်ရမည်။ (၄) အသက် (၁၈) နှစ်မှ (၂၈) နှစ်အတွင်းဖြစ်ရမည်။ (၅) ပညာအရည်အချင်း အထက်တန်းအောင်မြင်ပြီးသူ ဖြစ်ရမည်။ (၆) ကျန်းမာရေးကောင်းမွန်ပြီး ကူးစက်ရောဂါမရှိသူ ဖြစ်ရမည်။ (၇)ပြစ်မှုမှတ်တမ်းကင်းစင်သူ ဖြစ်ရမည်။

ပြိုင်ပွဲမှ Winner ဆုရရှိသူအား ငွေသား ကျပ် (၃၀) သိန်း ၊ Skin Care ကျပ် (၃၀) သိန်း ၊ ရတနာပစ္စည်း ကျပ် (၁၅) သိန်းတို့အား ချီးမြှင့်ပါမည်။ Winnerဆုအပြင် 1st Runner Up မှ 5th Runner Upအထိ ငါးဆုကိုလည်းကောင်း၊ Title Awardခေါင်းစဉ်ဆု (၁၂) ဆု ကိုလည်းကောင်း၊ ပါဝင်ယှဉ်ပြိုင်သူများအားလုံးကို Participation Award ဆုများကိုလည်းကောင်း အသီးသီး ချီးမြှင့်ပေးအပ်သွားမယ်လို့ ထုတ်ပြန်ထားပါတယ်။ပြိုင်ပွဲဝင်များအနေဖြင့် ပူးတွဲပါလျှောက်လွှာနှင့်အတူ ဝင်ရောက်လျှောက်ထားယှဥ်ပြိုင်နိုင်ကြောင်းသိရသည်။