(အားကစား) ဖေဖော်ဝါရီ ၂၆
ကမ္ဘာ့ဘောလုံးအဖွဲ့ချုပ် (FIFA)၊ မြန်မာနိုင်ငံဘောလုံးအဖွဲ့ချုပ် (MFF) နှင့် အားကစားနှင့်ပညာရေးဌာနတို့ ပူးပေါင်းကာ မြန်မာနိုင်ငံရှိ အခြေခံပညာသင်ကျောင်းများမှာ (Football For School) ပရိုဂရမ်စီမံကိန်းအဖြစ် အခြေခံဘောလုံးပညာရပ် များကို ကျယ်ကျယ်ပြန့်ပြန့် သင်ကြားပေးသွားမည်ဖြစ်တယ်လို့ မြန်မာနိုင်ငံဘောလုံးအဖွဲ့ချုပ်မှ သိရပါတယ်။
အဆိုပါစီမံကိန်းကို လာမယ့် ၂၀၂၅-၂၀၂၆ ခုနှစ် ပညာသင်နှစ်မှစတင်ကာ အကောင်အထည်ဖော်ဆောင်ရွက် သွားမှာဖြစ်ပြီး ဘောလုံးအခြေခံနည်းစနစ်များပါဝင်သည့် အပလီကေးရှင်းများကို ကျောင်းများမှာ ဖြန့်ဝေကာ နည်းပြ ဆရာ၊ ဆရာမများက ကာယအချိန်များတွင် သင်ကြားပေးရန် စီစဉ်လုပ်ဆောင်နေခြင်းဖြစ်တယ်လို့ သိရပါတယ်။
အဆိုပါစီမံကိန်းအတွက် ကမ္ဘာ့ဘောလုံးအဖွဲ့ချုပ် (FIFA)က မြန်မာနိုင်ငံဘောလုံးအဖွဲ့ချုပ် (MFF) သို့ Adidas ကုမ္ပဏီမှထုတ်လုပ်သော ကလေးကန်ဘောလုံးအလုံးရေ ၄ သောင်းကျော်ကို (Football For School)ပရိုဂရမ် စီမံကိန်း ပြုလုပ်မယ့် ကျောင်းများသို့ ပံ့ပိုးဖြန့်ဖြူးပေးသွားမှာဖြစ်တယ်လို့ သိရပြီး အဆိုပါ (Football For School) ပရိုဂရမ်စီမံကိန်းကို ကျောင်းများတွင် နှစ်စဥ်တိုးချဲ့ဆောင်ရွက်သွားမှာ ဖြစ်တယ်လို့ သိရပါတယ်။
Telegram»…
https://t.me/positiveanglenews