(ပြည်တွင်း) ဖေဖော်ဝါရီ ၁၆
စစ်ကိုင်းတိုင်းဒေသကြီး ချောင်းဦးမြို့နယ်၊ ကင်မွန်းတော် ပြည်သူ့စစ်ဌာနေအဖွဲ့ကို အကြမ်းဖက် PDF ခေါင်းဆောင် ဇာနီသိန်းဦးဆောင်သည့်အဖွဲ့မှ ဒရုန်း ၁၇ စီး၊လက်နက်ကြီးလက်နက်ငယ်များနှင့်အတူ အင်အား ၇၀၀ ကျော်ဖြင့် ဖေဖော်ဝါရီလ ၁၆ ရက်နေ့ နံနက် ၁၁ နာရီအချိန်ခန့်တွင် လာရောက်တိုက်ခိုက်ခဲ့သည့်အတွက် တိုက်ပွဲဖြစ်ပွားခဲ့ကြောင်းသိရပါသည်။
အဆိုပါ ကင်းမွန်တော်ပြည်သူ့စစ်အဖွဲ့ကို အကြမ်းဖက် PDF အဖွဲ့မှ စစ်မျက်နှာ ၃ ဖက်ဖွင့်ကာ ချောင်းရိုးများအတွင်းနှင့် ရှမ်းထူးကျေးရွာ၊ တပယ်အင်းရွာ ၊ ကုလားကြီးရွာ ၊ ကံဇီးရွာ ၊ တောင်ဖီလာရွာ၊ ကြွယ်တက်ကုန်းရွာ၊ စည်ပုဂံတောရကျးရွာများတွင် နောက်ချန်အင်အားများထားရှိကာ အကြမ်းဖက်အင်အား ၃၀၀၀ ခန့်ဖြင့် အဆိုင်းခွဲ၍ တိုက်ခိုက်ခဲ့ခြင်းဖြစ်ကြောင်း မြေပြင်သတင်းအရင်းအမြစ်များအရ သိရသည်။
ထိုသို့ အကြမ်းဖက်အင်အားအများအပြားဖြင့် ဝိုင်းဝန်းတိုက်ခိုက်ခဲ့ရာ ပြည်သူ့စစ်ကာကင်းအချို့ ဆုတ်ခွာပေးခဲ့ရပြီး လေကြောင်းပစ်ကူ၊လက်နက်ကြီးပစ်ကူရယူကာ ပြန်လည်တုန့်ပြန်တိုက်ခိုက်ခဲ့ကြောင်းသိရသည်။
အကြမ်းဖက်PDFအဖွဲ့များသည် ကင်မွန်းတော်အဖွဲ့ကို တိုက်သိမ်းပိုက်ရန် ၅ ရက်ခန့်ကြိုတင်စီမံချက်ချကာဆောင်ရွက်ခဲ့ပြီး ကင်မွန်းတော်ရွာရှိ အိမ်ခြေအချို့ မီးရှို့ဖျက်ဆီးကာ တိုက်ပွဲပြင်းထန်ခဲ့ကြောင်း သတင်းအရင်းအမြစ်များ၏ပြောဆိုချက်အရ သိရသည်။
အကြမ်းဖက်PDFအဖွဲ့များက စစ်ကူလမ်းကြောင်းများအလွယ်တကူမလာရောက်နိုင်ရန် မုံရွာ-မန္တလေးကားလမ်း လမ်းဘေးဝယ်ယာရှိ သစ်ပစ်များကိုချိန်းဆောဖြင့်ခုတ်လှဲကာ ပေပါမိုင်းများထောင်ကာတားဆီးခဲ့ကြောင်းသိရသည်။
ညဦးပိုင်အချိန်တွင် လေကြောင်းပစ်ကူရယူကာ အကြမ်းဖက်သမားများ၏ စုရပ်စုဖွဲ့နေရာများသို့ ဗုံးကြဲရှင်းလင်းရာ အကြမ်းဖက်အင်အား ၁၀၀ ကျော်ထိခိုက်သေဆုံးကြောင်း ယင်းည ၁၁ နာရီအချိန်ခန့်တွင် အကြမ်းဖက်အဖွဲ့များသည် ၎င်းတို့၏အလောင်းများကို ကောက်ယူ၍ ဆုတ်ခွာထွက်ပြေးသွားပြီး တပ်မတော်စစ်ကြောင်းအဖွဲ့မှ အကြမ်းဖက်များဆုတ်ပြေးရာလမ်းကြောင်းသို့ ရှင်းလင်းလျှက်ရှိကြောင်းသိရသည်။
မြေပြင်စစ်ကူစစ်ကြောင်းအဖွဲ့ သည် ညပိုင်းအချိန် ည ၁၀ နာရီအချိန်ခန့်တွင် ကင်မွန်းတော်ရွာရှိ ပြည်သူစစ်များနှင့် ပူးပေါင်းနိုင်ခဲ့ပြီး အကြမ်းဖက်အဖွဲ့များကို စက်တပ်လေထီးဖြင့် လိုက်လန်ရှင်းလင်းလျှက်ရှိကြောင်းသိရပြီး ပြည်သူ့စစ်တပ်ဖွဲ့ဝင်အချို့ ကျဆုံးကာ ပြည်သူအချို့ကို အကြမ်းဖက်PDFအဖွဲ့များမှ ဖမ်းဆီးသွားကြောင်းသိရသည်။