(ပြည်တွင်း) ဇန်နဝါရီ ၂၆
စာသင်ကျောင်းကိုစစ်စခန်းပြုလုပ်ပြီး အင်တာနက်စုဝေးအသုံးပြုနေတဲ့ မြင်းခြံမြို့နယ်ထဲက PDF စခန်းတစ်ခုကို လေကြောင်းကနေ ဗုံးကြဲရှင်းလင်းတာကြောင့် PDF အဖွဲ့ဝင် ၂၀ ဦးထက်မနည်း သေဆုံးတယ်လို့ ဒေသခံတွေဆီက သိရပါတယ်။
မြင်းခြံမြို့နယ်၊ တလုပ်မြို့အနီး မြင်းခြံ – ဆီးမီးခုံ ကားလမ်းပေါ်မှာရှိတဲ့ ဆင်းဂွတ်ကျေးရွာက PDF စစ်စခန်းကို ဒီကနေ့ ဇန်နဝါရီ ၂၆ ရက်နေ့ မနက်ပိုင်းက လေကြောင်းကနေဗုံးကြဲတိုက်ခိုက်ခဲ့တယ်လို့ တလုပ်မြို့ခံတွေကပြောပါတယ်။
ဒီနေ့မနက်ပိုင်းမှာ လေယာဥ်နှစ်စီးရောက်လာပြီး စခန်းလုပ်ထားတဲ့စာသင်ကျောင်းပေါ်ကို ဗုံးကြဲခဲ့လို့ StarLink အင်တာနက်စုပြီးသုံးနေတဲ့ PDF အဖွဲ့တွေ သေဆုံးတာခဲတာဖြစ်ပြီး အဲဒီ PDF စခန်းကို ကင်းထောက်ရာက ခြေရာခံရရှိသွားတာဖြစ်နိုင်တယ်လို့ မြို့ခံတွေက ပြောပါတယ်။
ဒီနေ့ မနက်ပိုင်းဗုံးကြဲတိုက်ခိုက်မှုကြောင့် သေဆုံးသွားတဲ့ PDF တွေဟာ မြင်းခြံဘယ်အဖွဲ့က ဖြစ်တယ်ဆိုတာ ဘယ်အဖွဲ့အစည်းကမှထုတ်ပြန်ထားတာမရှိပဲသလို ဘယ်လောက်သေဆုံးတယ်ဆိုတာကိုတော့ အတိအကျထုတ်ပြန်ထားကြတာတော့ မရှိသေးပါဘူး။
မြင်းခြံမြို့နယ် မြင်းခြံ – ဆီမီးခုံကားလမ်းပေါ်မှာရှိပြီး လူဦးရေ ၁၀၀၀ ကျော်သာနေထိုင်တဲ့ ဆင်းဂွတ်ကျေးရွာက အဲဒီ PDF စခန်းကနေ အမြန်လမ်းပေါ်ကို ၂ နာရီခန့်သွားရပြီး အမြန်လမ်းပေါ်ကရဲစခန်းတွေကို ဒရုန်းနဲ့ဗုံးချတိုက်ခိုက်တာ အမြန်လမ်းပေါ်တက်ပြီး မော်တော်ယာဥ်တွေကို တားဆီးတာတွေ ပြုလုပ်ခဲ့နေတာကြောင့် ထောက်လှမ်းပြီး ခုလိုဗုံးကြဲတိုက်ခိုက်တာလို့လည်း သိရပါတယ်။
#PAN #ဆင်းဂွတ်ကျေးရွာ #မြင်းခြံမြို့နယ် #နေပြည်တော်မန္တလေးအမြန်လမ်း