(ပြည်တွင်း) ဇန်နဝါရီ ၂၄
အနောက်ဘင်္ဂလားပြည်နယ်အစိုးရမှ ကြီးမှူးကျင်းပမယ့် “8th Bengal Global Business Summit” သို့ မြန်မာနိုင်ငံအနေနဲ့ လုပ်ဖော်ကိုင်ဖက်နိုင်ငံ (Partner Country) အဖြစ် ပါဝင်တက်ရောက်ရန် ဖိတ်ကြားထားကြောင်း မြန်မာကုန်သွယ်မှုမြှင့်တင်ရေးအဖွဲ့ထံမှ သိရပါတယ်။
အဆိုပါ ထိပ်သီးအစည်းအဝေးကို အိန္ဒိယနိုင်ငံ၊ ကိုးလ်ကတ္တားမြို့တွင် ဖေဖော်ဝါရီလ ၅ ရက်မှ ၆ ရက်အထိ ကျင်းပသွားမှာဖြစ်လို့ ပါဝင်တက်ရောက်လိုတဲ့ မြန်မာကိုယ်စားလှယ်များအနေနဲ့ မြန်မာကုန်သွယ်မှု မြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲ၊ ဖုန်း-၀၆၇-၄၀၈၆၂၂၊ E-mail: event.td.myantrade@gmail.com သို့ ဆက်သွယ်စုံစမ်း စာရင်းပေးသွင်းနိုင်ကြောင်း အသိပေးထားပါတယ်။
အစည်းအဝေးသို့တက်ရောက်ပါက ၆ မီတာ x ၆ မီတာ သို့မဟုတ် ၅ မီတာ x ၅ မီတာ အကျယ်အဝန်းရှိ ပြခန်း ၁ ခန်းကိုအခမဲ့ရရှိမှာ ဖြစ်တဲ့အပြင် B2B၊ G2G ဆွေးနွေးပွဲများမှာ ပါဝင် တက်ရောက်နိုင်ပြီး MoUs နှင့် သဘောတူညီချက်များ ပြုလုပ်ဆောင်ရွက်နိုင်မယ့် အခွင့်အလမ်းရရှိမှာ ဖြစ်ပါတယ်။
ဒါ့အပြင် သက်ဆိုင်ရာကဏ္ဍအလိုက် ဆွေးနွေးပွဲများတွင် ပါဝင်ဟောပြောခွင့်နှင့် ဆွေးနွေးတင်ပြခွင့်များ ရရှိမှာဖြစ်ပြီး အစိုးရ/သံရုံးတို့မှ တရားဝင်ကိုယ်စားလှယ်များအတွက် တည်းခိုနေထိုင်မှုနှင့် ပြည်တွင်းသွားလာမှုဆိုင်ရာကိစ္စရပ်များ ကို ပြပွဲစီစဉ်ဆောင်ရွက်သူဖက်မှ ကျခံဆောင်ရွက်ပေးသွားမယ်လို့ သိရပါတယ်။
Telegram»…
https://t.me/positiveanglenews