ဖေဖော်ဝါရီ ၈
ပြည်ပဝယ်လိုအားကြောင့် ပဲနှင့်နှမ်းဈေးမှာ အမြင့်ပိုင်းတွင်ရှိနေကြောင်း ပဲနှမ်းအဝယ်ဒိုင်များထံမှ သိရသည်။ “ပဲကတော့ အရင်ကထက်စာရင် မြင့်သွားတယ်။ ပြည်ပဝယ်လိုအားကြောင့်လည်း ပါတယ်။ ပဲတွေက အမျိုးအစားအများကြီးပါပဲ။ မြင့်တာကတော့ အကုန်လုံးပါတာပေါ့။ နည်းတာနဲ့များတာပဲကွာတယ်” ဟု ပဲအရောင်းအဝယ်လုပ်နေသူတစ်ဦးက ဆိုသည်။
ယင်းကဲ့သို့ အမြင့်ပိုင်းရောက်ရှိနေသည့် ပဲများအနက် ပဲစင်းငုံ၊ မတ်ပဲ၊ မြေထောင့်ပဲမှာ ဈေးအများဆုံးရရှိနေပြီး မတ်ပဲတစ်တန်ကို ငွေကျပ် ၃၄ သိန်း၊ ပဲစင်းငုံတစ်တန်ကို ငွေကျပ် ၄၂ သိန်း၊ မြေထောင့်ပဲတစ်တန်ကို ငွေကျပ်သိန်း ၄၀ ကျော် ရရှိနေကြောင်းလည်း ပဲ၊ နှမ်း ကုမ္ပဏီများထံမှ သိရသည်။
လက်ရှိတွင် အိန္ဒိယနိုင်ငံ၊ တရုတ်နိုင်ငံနှင့် အာဆီယံနိုင်ငံများမှလည်း ဝယ်လိုအားရှိနေပြီး ၂၀၂၄ ခုနှစ် ဇန်နဝါရီလအတွင်း ပဲနှင့် နှမ်းဈေးနှုန်းမှာ ပို၍မြင့်တက်လာခဲ့ကာ ဖေဖော်ဝါရီလအတွင်း၌လည်း စျေးအမြင့်ပိုင်းတွင် ရှိနေကြောင်း သိရသည်။
ပြည်တွင်းနှင့် ပြည်ပဝယ်လိုအားကြောင့် နှမ်းဈေးနှုန်းမှာလည်း အမြင့်ပိုင်းရရှိနေကာ နှမ်းဖြူ၊ နှမ်းနက်မှာ ဈေးကောင်းပို၍ရရှိကြောင်းလည်း သိရသည်။
“နှမ်းကလည်း ဈေးကောင်းပါတယ်။ နှမ်းကတော့ ပြည်ပဝယ်လိုအားရော၊ ပြည်တွင်းစားသုံး မှုရောရှိတယ်။ နှမ်းအဖြူနဲ့ အနက်ကတော့ ဈေးပိုရနေတ ပေါ့”ဟု ၎င်းက ဆိုသည်။
MT
#PAN
Telegram Link
https://t.me/positiveanglenews
