![](https://positiveanglenews.com/storage/2023/08/IMG-270fb0c521cff1ade8033bfb65b96c70-V-1024x768.jpg)
![](https://positiveanglenews.com/storage/2023/08/IMG-b93543937d179b4d68fd650663a3121b-V-1024x768.jpg)
![](https://positiveanglenews.com/storage/2023/08/IMG-4a8789cca6603bb4f857f72987418fd5-V.jpg)
ဩဂုတ် ၈
ယနေ့ နံနက် ၆ နာရီအချိန်ခန့်က ရန်ကုန်တိုင်းဒေသကြီး၊ အလုံမြို့နယ်အတွင်း မိုးရွာသွန်းမှုကြောင့် ဌာနာရပ်ကွက်၊ အလုံလမ်း၊ ဌာနာရပ်ကွက်အုပ်ချုပ်ရေးမှူးရုံးဘေး၊ ဗန်ဒါရိပ်ထမင်းဆိုင် အနောက်ဘက်ရှိ လုံးပတ် ၅ပေခန့်၊ အမြင့် ၄၀ ပေခန့်ရှိ ညောင်ပင်မှာ အမြစ်မှကျွတ်ထွက်ပြီး အဆိုပါ ထမင်းဆိုင်အနောက်ဘက်ရှိ သွပ်မိုး၊ ထရံကာ အဖီပေါ်သို့ လဲကျခဲ့ကြောင်း သိရသည်။
ထိုသို့ ညောင်ပင် လဲပြိုမှု့ကြောင့် ဗန်ဒါရိပ်ထမင်းဆိုင်၏ အဖီအဆောက်အဦးမှာ ပျက်ဆီးခဲ့ပြီး အဖီအဆောက်အဦးတွင် ညအိပ်နေထိုင်သည့် ဗန်ဒါရိပ်ထမင်းဆိုင်အလုပ်သမား ဦးဝင်းဌေးဦး၊ ၄၁ နှစ်၊ (ဘ)ဦးလှဝင်း၌ ဦးခေါင်းဝဲဘက် ထိခိုက်ဒဏ်ရာ၊ ဝမ်းဗိုက် ယာဘက် ထိခိုက်ဒဏ်ရာ(စိုးရိမ်ရ)ရရှိခဲ့သဖြင့် ဒဏ်ရာရရှိသူ ဦးဝင်းဌေးဦး ကို ရန်ကုန်ပြည်သူ့ဆေးရုံကြီးသို့ ကြီးလေးကြီး လူမှုကူညီရေးအသင်းကားဖြင့် ပို့ဆောင်ပေးခဲ့ပြီး လဲကျနေသည့်သစ်ပင်အား ရပ်ကွက်နေပြည်သူပူးပေါင်းအဖွဲ့မှ ရှင်းလင်းဆောင်ရွက်လျက်ရှိကြောင်း သတင်းရရှိပါသည်။
#PAN