မေ ၂၅
ယနေ့ နံနက် ၁၁ နာရီ ၁၅ မီးနစ်အချိန် ရန်ကုန် တိုင်းဒေသကြီး၊အလုံမြို့နယ်၊ဧရာဝတီရပ်ကွက်၊ အောက်ကြည့်မြင်တိုင်လမ်း၊ သခင်မြပန်းခြံအတွင်း ညောင်ပင်အောက်တွင် ပလတ်စတစ်အိတ်အနက်ရောင်ဖြင့် ထုတ်ထားသော မသင်္ကာဖွယ်အထုပ် ၁ ထုပ်၊ ရေတမာပင်အောက်တွင် ပလတ်စတစ်အိတ်အနက်ရောင်ဖြင့် ထုတ်ထားသော မသင်္ကာဖွယ်အထုပ် ၁ ထုပ်နှင့် ပန်းခြံအလယ်မြက်ခင်းအလယ်တွင် ပလတ်စတစ်အိတ်အနက်ရောင်ဖြင့် ထုတ်ထားသော မသင်္ကာဖွယ်အထုပ် ၁ ထုပ်တို့အား တွေ့ရှိရသဖြင့် နယ်မြေခံလုံခြုံရေးပူးပေါင်းအဖွဲ့နှင့် မြို့နယ်မှ တာဝန်ရှိသူများထံ သတင်းပို့အကြောင်းခဲ့ကြောင်း သိရပါသည်။
ထိုသို့ သတင်းပို့အကြောင်းကြားထားစဥ်ရေတမာပင် အောက်မှ မသင်္ကာဖွယ်အထုပ် ၁ ထုပ်နှင့် ပန်းခြံအလယ်မြက်ခင်းအလယ်မှ မသင်္ကာဖွယ်အထုပ် ၁ ထုပ်တို့မှ ပေါက်ကွဲခဲ့ကြောင်း၊ ပေါက်ကွဲမှုကြောင့် လူ/ပစ္စည်းထိခိုက်ဆုံးရှုံးမှု မရှိကြောင်း၊ ပေါက်ကွဲခြင်းမရှိသေးသော
ညောင်ပင်အောက်မှ ပလတ်စတစ်အိတ်အထုပ်ကို တပ်နယ်မှ မိုင်းရှင်းလင်းရေးအဖွဲ့က နံနက် ၁၁ နာရီ ၄၀ မီးနစ်အချိန်တွင် ရှင်းလင်းရေးဆောင်ရွက်ခဲ့ကြောင်း သတင်းရရှိပါသည်။
