(ပြည်တွင်း) ဇူလိုင် ၉
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာ နအောက်ရှိ မြန်မာ့သစ်လုပ်ငန်း (Myanma Timber Enterprise – MTE)၊ ပြည်တွင်းကုန်သွယ်ရေးနှင့် သစ်စက်ဌာနသည် နိုင်ငံတော်မှ ထွက်ရှိသည့် အရည် အသွေးမြင့် ကျွန်းနှင့် သစ်မာ သစ်လုံးများနှင့် သစ်ခွဲသား တန်ချိန် ၄,၁၀၀ ကျော်ကို ပြည်တွင်း၊ ပြည်ပမှ စိတ်ပါဝင်စားသူများသို့ အိတ်ဖွင့်တင်ဒါ (Open Tender) စနစ်ဖြင့် ရောင်းချသွားမည်ဖြစ်ကြောင်း တရားဝင် ထုတ်ပြန်ကြေညာလိုက်သည်။
ယခုအကြိမ် တင်ဒါစနစ်ဖြင့် ရောင်းချမည့် သစ်လုံးများနှင့် သစ်ခွဲသားများသည် ရှမ်းပြည်နယ်တောင်ပိုင်း၊ ပဲခူး တိုင်းဒေသကြီး၊ နေပြည်တော်ကောင်စီနယ်မြေနှင့် ရန်ကုန်တိုင်းဒေသကြီးတို့ရှိ သစ်တောနယ်မြေအသီးသီးမှ စနစ်တကျ ထုတ်လုပ်ထားသည့် အဖိုးတန် ကျွန်းသစ်များနှင့် ခိုင်ခံ့သော သစ်မာအမျိုးအစားများ ဖြစ်ကြသည်။
အဆိုပါ ကျွန်းနှင့် သစ်မာ အိတ်ဖွင့်တင်ဒါပြိုင်ပွဲကို ဇွန် လ ၂၁ ရက်နေ့ နံနက် ၈ နာရီခွဲတွင် ရန်ကုန်မြို့၊ အင်းစိန်မြို့နယ်ရှိ မြန်မာ့သစ်လုပ်ငန်းချုပ်၊ တော်ဝင်ခန်းမ (Tawwin Hall)၌ စနစ်တ ကျ ကျင်းပပြုလုပ်သွားမည်ဖြစ် သည်။
သစ်အိတ်ဖွင့်တင်ဒါ တင်သွင်းလိုသည့် စီးပွားရေးလုပ်ငန်းရှင်များနှင့် စိတ်ပါဝင်စားသူများအနေဖြင့် လိုအပ်သည့် စည်း ကမ်းချက်များနှင့် အသေးစိတ်အချက်အလက်များကို မြန်မာ့သစ်လုပ်ငန်း၏ တရားဝင်ဝက်ဘ်ဆိုက်ဖြစ်သော www.mte.gov.mm တွင် ဝင်ရောက်လေ့လာနိုင်သည့်အပြင်၊ ပြည်တွင်းကုန်သွယ်ရေးနှင့် သစ်စက်ဌာန၏ တာဝန်ခံဖုန်းနံပါတ်များဖြစ်သည့် ၀၉-၇၉၅၇၀၀၄၃၉ နှင့် ၀၉-၄၀၂၇၀၅၅၁၅ တို့သို့ တိုက်ရိုက်ဆက်သွယ် မေးမြန်းနိုင်ကြောင်း အိတ်ဖွင့်တင်ဒါကျင်း ပရေးကော်မတီက အသိပေးထုတ်ပြန်ထားသည်။
Telegram»…
#PAN