မန္တလေး–မုံရွာလမ်းမကြီးပေါ်တွင် ခရမ်းချဉ်သီးတင်ယာဉ်တိမ်းမှောက်၊ အမျိုးသမီး ၃ ဦး ထိခိုက်ဒဏ်ရာရရှိ

(မှုခင်း) ဇွန် ၁၂

စစ်ကိုင်းတိုင်းဒေသကြီး၊ စစ်ကိုင်းမြို့၊ မန္တလေး–မုံရွာလမ်းမကြီးပေါ် အင်္သခရာအဝိုင်းပတ်အနီးတွင် ခရမ်းချဉ်သီးများတင်ဆောင်လာသည့် ယာဉ်တစ်စီးသည် ဇွန် ၁၂ ရက်နေ့ နံနက် ၁၂ နာရီ ၀၈ မိနစ်ခန့်အချိန်တွင် တိမ်းမှောက်မှုဖြစ်ပွားခဲ့ကြောင်း သတင်းရရှိသည်။

ဖြစ်စဉ်သတင်းရရှိသည်နှင့်တပြိုင်နက် စစ်ကိုင်းမြို့နယ်မီးသတ်စခန်းမှ မီးသတ်ယာဉ်တစ်စီးနှင့် သန္ဓေမီးသတ်တပ်ဖွဲ့ဝင်များသည် အခင်းဖြစ်နေရာသို့ အမြန်သွားရောက်၍ ရှာဖွေကယ်ဆယ်ရေးလုပ်ငန်းများနှင့် ကူညီကယ်ဆယ်ရေးလုပ်ငန်းများကို ဆောင်ရွက်ခဲ့ကြောင်း သိရသည်။

ယာဉ်တိမ်းမှောက်မှုကြောင့် အမျိုးသမီး ၃ ဦး ထိခိုက်ဒဏ်ရာ (မစိုးရိမ်ရ) ရရှိပြီး အဆိုပါဒဏ်ရာရရှိသူများကို အိုးဘိုလူမှုကူညီရေးအသင်းမှ ယာဉ်ဖြင့် စစ်ကိုင်းမြို့နယ် ကုတင် ၃၀၀ ဆံ့ဆေးရုံသို့ အချိန်မီ ပို့ဆောင်ကူညီပေးခဲ့ကြောင်း သိရသည်။

သက်ဆိုင်ရာကယ်ဆယ်ရေးအဖွဲ့များအနေဖြင့် အခင်းဖြစ်နေရာတွင် လိုအပ်သည့် ကူညီကယ်ဆယ်ရေးလုပ်ငန်းများကို ဆက်လက်ဆောင်ရွက်ခဲ့ကြောင်း သတင်းရရှိသည်။

#PAN