(နိုင်ငံတကာ) ဧပြီ ၁၂
ခြောက်သီတင်းပတ်ကြာ ပြင်းထန်စွာဖြစ်ပွားနေသည့် အမေရိကန်-အီရန် စစ်ပွဲကို အဆုံးသတ်ရန်အတွက် နှစ်နိုင်ငံထိပ်သီးကိုယ်စားလှယ်အဖွဲ့များသည် ပါကစ္စတန်နိုင်ငံ၊ အစ္စလာမ္မာဘတ်မြို့၌ မျက်နှာချင်း ဆိုင် တိုက်ရိုက်ဆွေးနွေးမှုများကို စနေနေ့တွင် စတင်လိုက်ပြီဖြစ်သည်။
ကနဦးတွင် ကြားခံနိုင်ငံများမှတစ်ဆင့် သွယ်ဝိုက်ဆွေးနွေးရန် စီစဉ်ခဲ့သော်လည်း ယခုအခါ အမေရိကန်နှင့် အီရန် ကိုယ်စားလှယ်အဖွဲ့များသည် ပါကစ္စတန်ကြားဝင်စေ့စပ်ပေးသူများနှင့်အတူ အခန်းတစ်ခန်းတည်းတွင် တိုက်ရိုက်ညှိနှိုင်းနေကြပြီဖြစ်ကြောင်း အိမ်ဖြူတော်နှင့် သတင်းရင်းမြစ်များက အတည်ပြုသည်။ အမေရိကန်ဘက်မှ ဒုတိယသမ္မတ ဂျေဒီဗန့်စ်(JD Vance) ဦးဆောင်ပြီး အီရန်ဘက်မှ လွှတ်တော်ဥက္ကဋ္ဌ ဂါလီဘတ် (Ghalibaf) တို့က ဦးဆောင်ဆွေးနွေးနေကြခြင်းဖြစ်သည်။
ဆွေးနွေးပွဲတွင် အဓိကအတားအဆီးဖြစ်နေသည့် လက်ဘနွန်ရှိ အစ္စရေး-ဟစ်ဇ်ဘိုလာ တိုက်ပွဲများ ရပ် တန့်ရေးနှင့် ပတ်သက်၍ အခြေခံနားလည်မှုအချို့ ရရှိနေပြီဟု သိရသည်။ သတင်းရင်းမြစ်များအရ တိုက် ခိုက်မှုများကို လက်ဘနွန်တောင်ပိုင်းတွင်သာ ကန့် သတ်ထားရန်နှင့် အမေရိကန်က သိမ်းဆည်းထားသည့် အီရန်ပိုင် ဆိုင်မှုများကို ပြန်လည်ထုတ်ပေးရန် ကိစ္စရပ်များတွင် တိုးတက်မှုအချို့ ရှိနေကြောင်း သိရသည်။
အမေရိကန်သမ္မတ ဒေါ်နယ်ထရန့်က “အီရန်တွေ အသက်ရှင်နေရတာဟာ ဒီဆွေးနွေးပွဲလုပ်ဖို့အတွက်ပဲ” ဟု ဆိုရှယ်မီဒီယာတွင် ပြင်းပြင်းထန်ထန် ရေးသားခဲ့သလို၊ ဒုတိယသမ္မတ ဗန့်စ်ကလည်း အီရန်ဘက်က ကစားကွက်ဆင်လာပါက လက်ခံမည်မဟုတ်ကြောင်း သတိပေးထားသည်။ တစ်ဖက်တွင်လည်း အီရန်လွှတ်တော်ဥက္ကဋ္ဌ ဂါလီဘတ်က အမေရိကန်တို့သည် ကတိမတည်တတ်သည့် အတွေ့အကြုံများရှိခဲ့သဖြင့် စစ်မှန် သော သဘောတူညီချက်မျိုးကိုသာ လိုလားကြောင်း ပြောကြားခဲ့သည်။
လက်ရှိတွင် အမေရိကန်နှင့် အစ္စရေး၏ လေကြောင်းတိုက်ခိုက်မှုများ ခေတ္တရပ်နားထားသော်လည်း အီရန် ဘက်က ဟော်မုဇ်ရေလက်ကြားကို ဆက်လက်ပိတ်ဆို့ထားဆဲဖြစ်သည်။ ပါကစ္စတန်ဝန်ကြီးချုပ် ရှာဘတ်ဇ်ရှာရစ်ဖ်က ယခုဆွေးနွေးပွဲကို ဒေသတွင်းရေရှည်ငြိမ်းချမ်းရေးအတွက် “အဆုံး အဖြတ်ပေးမည့်ခြေလှမ်း” (Make-or-break) အဖြစ် တင်စားပြောဆိုထားပြီး ကမ္ဘာတစ်ဝန်းကလည်း စောင့်ကြည့်နေကြပါသည်။
#USIranTalks #IslamabadTalks #JDVance #Ghalibaf #MiddleEastPeace #BreakingNews #PositiveAngleNews
Telegram»…
https://t.me/positiveanglenews
#PAN