(နိုင်ငံတကာ)မတ် ၂၇
မတ်လကုန်ပိုင်းတွင် ထွက်ပေါ်လာသည့် သတင်းများအရ ယူကရိန်းသမ္မတ ဗိုလိုဒီမာ ဇလန်းစကီး (Volodymyr Zelenskyy) က အမေရိကန်ပြည်ထောင် စုသည် ယူကရိန်းအတွက် လုံခြုံရေးအာမခံချက် (Security Guarantees) ပေးအပ်ရန်အတွက် ဒွန်ဘတ်စ် (Donbas) ဒေသရှိ ယူကရိန်းတပ်ဖွဲ့များကို ပြန်လည်ရုပ်သိမ်းပေးရန် အခြေခံသတ်မှတ်ချက်အဖြစ် တောင်းဆိုထားကြောင်း ထုတ်ဖော်ပြောကြားခဲ့သည်။
ဤထုတ်ဖော်ချက်အပေါ် ရုရှားသမ္မတ ပူတင်၏ အထူးကိုယ်စားလှယ်က ၎င်းတို့အနေဖြင့် အပြု သဘောဆောင်သည့် “အားတက်ဖွယ်ရာ” အသိအမှတ် ပြုမှုတစ်ခုအဖြစ် ရှုမြင်ပြီး၊ ယင်းမှာ ရုရှားဘက်မှ လိုလားသည့် သတ်မှတ်ချက်များအတိုင်း စစ်ပွဲအဆုံး သတ်ရေး အခြေအနေများနှင့် ကိုက်ညီနေသော ကြောင့် ကာလရှည်ကြာစွာ စောင့်မျှော်နေခဲ့သည့် တိုးတက်မှုတစ်ခုဖြစ်ကြောင်း ပြောကြားခဲ့သည်။
သမ္မတ ဇလန်းစကီးက အမေရိကန်အစိုးရသည် ယူကရိန်းအား ခိုင်မာသည့် လုံခြုံရေးအာမခံချက်များ ပေးအပ်ရန် အဆင်သင့်ရှိသော်လည်း၊ ယင်းကမ်းလှမ်းချက်မှာ ဒွန်ဘတ်စ်ဒေသကို ရုရှားထံ ပေးအပ်စွန့်လွှတ်ရမည်ဟူသော အချက်နှင့် တိုက်ရိုက်ဆက်စပ်နေကြောင်း အတည်ပြုခဲ့သည်။ အထူးသဖြင့် အမေရိကန်သမ္မတ ဒေါ်နယ်ထရန့်သည် အီရန်နှင့် ဖြစ်ပွားနေသော စစ်ပွဲအပေါ် အာရုံစိုက်နေရသဖြင့် ယူကရိန်းစစ်ပွဲကို အမြန်ဆုံး အဆုံးသတ်နိုင်ရန်အတွက် ယူကရိန်းအပေါ် ဖိအားပေးသည့် ဗျူဟာကို ကျင့်သုံးလာခြင်းဖြစ်သည်ဟု ဇလန်းစကီးက သုံးသပ်ထားသည်။
ရုရှားသမ္မတ ပူတင်၏ အထူးကိုယ်စားလှယ်ကမူ ဤဖြစ်ပေါ်တိုးတက်မှုကို အပြုသဘောဆောင်သည့် “အားတက်ဖွယ်ရာ” အသိအမှတ်ပြုမှုတစ်ခုအဖြစ် ကြိုဆိုလိုက်သည်။ ရုရှားသံတမန်များသည် ၎င်းတို့လိုလားသည့် သတ်မှတ်ချက်များအတိုင်း (ရုရှား၏ အောင်မြင်မှုအဖြစ်) စစ်ပွဲအဆုံးသတ်ရေးအတွက် အဘူဒါဘီနှင့် ဂျီနီဗာမြို့များတွင် တက်ကြွစွာ ဆွေးနွေးနေကြသည်။ ဇလန်းစကီးဘက်မှ ဒွန်ဘတ်စ်ဒေသအရေးနှင့် ပတ်သက်၍ အပေးအယူလုပ်ရန် စဉ်းစားလာခြင်းကို ရုရှားက ကာလရှည်ကြာစွာ စောင့်မျှော်နေခဲ့သည့် အလှည့်အပြောင်းတစ်ခုအဖြစ် ရှုမြင်နေသည်။
သမ္မတ ဇလန်းစကီးက ဒွန်ဘတ်စ်ဒေသမှ တပ်ဖွဲ့များ ရုပ်သိမ်းပေးရခြင်းမှာ ယူကရိန်း၏ ကာကွယ်ရေးစနစ်ကို အားနည်းသွားစေရုံသာမက ဥရောပတစ်ခွင်လုံး၏ လုံခြုံရေးကိုပါ ခြိမ်းခြောက်ရာ ရောက်နိုင်ကြောင်း သတိပေးထားသည်။ အကယ်၍ ဤဒေသကို စွန့်လွှတ်လိုက်ပါက ရုရှားတပ်ဖွဲ့များသည် ယူကရိန်းအလယ်ပိုင်းသို့ တိုက်ရိုက်ကျူးကျော်နိုင်မည့် လမ်း ကြောင်းကို ရရှိသွားမည်ဖြစ်သည်။
နောက်ဆုံရရှိထားသည့် သတင်းများအရ ယူကရိန်းသမ္မတ ဗိုလိုဒီမာ ဇလန်းစကီးက အမေရိကန်ပြည် ထောင်စုမှ ယူကရိန်းအတွက် ပေးအပ်မည့် လုံခြုံရေးအာမခံချက်များဆိုင်ရာ စာချုပ်မူကြမ်းမှာ အချောသတ်ရေးဆွဲပြီးစီးပြီဖြစ်ကြောင်းနှင့် တရားဝင်လက်မှတ်ရေးထိုးရန်သာ စောင့်ဆိုင်းနေကြောင်း Helsinki Times သတင်းဌာနက ဗုဒ္ဓဟူနေ့က ဖော်ပြခဲ့သည်။
ရုရှားနှင့် ဖြစ်ပွားနေသော စစ်ပွဲကို အဆုံးသတ်ရန် သံတမန်ရေးရာ ကြိုးပမ်းမှုများ ဆက်လက်လုပ် ဆောင်နေချိန်တွင် ယခုကဲ့သို့ ထွက်ပေါ်လာခြင်းဖြစ် သည်။
လစ်သူယေးနီးယားနှင့် ပိုလန်ခေါင်းဆောင်များနှင့်အတူ ဗေးလ်နီးယပ်စ် (Vilnius) မြို့တွင် ပြုလုပ်ခဲ့သည့် ပူးတွဲသတင်းစာရှင်းလင်းပွဲ၌ ဇလန်းစကီးက ပြောကြားခဲ့ခြင်းဖြစ်ပြီး၊ လက်မှတ်ရေးထိုးပွဲ ကျင်းပမည့် ရက်စွဲနှင့် နေရာကို အတည်ပြုချက်ရရှိရန် ကိယက်ဗ် (Kyiv) အစိုးရက စောင့်ဆိုင်းနေကြောင်း ထည့် သွင်းပြောဆိုခဲ့သည်။
အဆိုပါစာချုပ်ကို လက်မှတ်ရေးထိုးပြီးပါက အမေရိကန်ကွန်ဂရက်လွှတ်တော်နှင့် ယူကရိန်းလွှတ်တော်တို့ထံသို့ အတည်ပြုချက်ရယူရန် တင်ပြသွားမည်ဖြစ် ကြောင်းလည်း ဇလန်းစကီးက ဆိုသည်။
မတ်လ ၂၉ ရက် (လာမည့် တနင်္ဂနွေ)နေ့တွင် အဘူဒါဘီ၌ ဒုတိယအကျော့ ဆွေးနွေးပွဲကို ထပ်မံပြုလုပ်ဖို့ ချိန်းဆိုထားကြောင်း သိရသည်။
#UkraineWar #Zelenskyy #DonbasWithdrawal #USSecurityGuarantees #Trump #Russia #PeaceTalks2026 #PositiveAngleNews
Telegram»…
https://t.me/positiveanglenews
#PAN