(နိုင်ငံတကာ) ဧပြီ ၁၈
အမေရိကန်၏အခွန်စည်းကြပ်မှုသည် ကမ္ဘာ့စီးပွားရေးအတွက် ပြင်းထန်သောအကျိုးသက်ရောက်မှုများ ဖြစ်စေမည့် အကျပ်အတည်းကို ဖြစ်ပေါ်စေသည်ဟု ကမ္ဘာ့ကုန်သွယ်ရေးအဖွဲ့က ပြောကြားခဲ့သည်။
ယခုနှစ်အတွက် တစ်ကမ္ဘာလုံးဆိုင်ရာ ကုန်သွယ်မှုပမာဏ ကျဆင်းမည်ဟု ခန့်မှန်းထားသည်။
ကုန်သွယ်မှု ဆိုင်ရာ စိုးရိမ်ပူပန်မှုများသည် ဘဏ္ဍာရေးဈေးကွက်တွင် အနုတ်လက္ခဏာများကိုသာ ယူဆောင်လာနိုင်သည်ဟု ကမ္ဘာ့ကုန်သွယ်ရေးအဖွဲ့ကြီး၏ ညွှန်ကြားရေးမှူးချုပ် အင်ဂိုဗီအိုကွန်ဂျိုအီဝဲလာ က ဧပြီလ ၁၆ ရက်တွင် ပြောသည်။
ဆင်းရဲသည့်နိုင်ငံများအပေါ်တွင် သက်ရောက်လာနိုင်မှုအပေါ် စိုးရိမ်မိကြောင်းနှင့် လက်ရှိအခွန်စည်းကြပ်မှု အပေါ်မူတည်၍ ကမ္ဘာ့ကုန်သွယ်ရေးသည် ၂၀၂၅ ခုနှစ်တွင် ၀ ဒသမ ၂ ရာခိုင်နှုန်း ကျဆင်းမည်ဟု ကမ္ဘာ့ကုန်သွယ်ရေးအဖွဲ့က ခန့်မှန်းထားသည်။
အကယ်၍ အမေရိကန်ကသာ အပြန်အလှန်အခွန်စည်းကြပ်မှုကို ဆက်လက်လုပ်ဆောင်ခဲ့ပါက ကုန်သွယ်မှုသည် နောက်ထပ် ၁ ဒသမ ၅ ရာခိုင်နှုန်း ကျဆင်းသွားမည်ဟု သတိပေး ထားသည်။
https://t.me/positiveanglenews
#PAN