(မှုခင်း) ဒီဇင်ဘာ ၁၀
ဧရာဝတီတိုင်းဒေသကြီး၊ ဘိုကလေးမြို့နယ်၊ မနော်ဟရီလမ်းပန်းခြံအတွင်းရှိ ဆင်ရုပ်ထုအနီး ရေကန်အတွင်း လူငယ်တစ်ဦးအား သေဆုံးလျက် တွေ့ရှိရကြောင်း သိရသည်။
ဘိုကလေးမြို့၊ အမှတ်(၇)ရပ်ကွက်၊ (၁၂)လမ်းနေ၊ (ဘ)ဦးအုန်းမြင့်သား(အမွှာအငယ်)၊ မောင်ရာဇာမို့း၊ အသက် ၁၄ နှစ်၊ ကျောင်းသား(G-9)အ.လ.က(၂)သည် ယမန်နေ့ည ၇ နာရီအချိန်ခန့်က နေအိမ်မှထွက်သွားပြီး အိမ်ပြန်မလာသဖြင့် မိဘများမှ လိုက်ရှာသော်လည်း မတွေ့ရှိခဲ့ကြောင်း၊ ယနေ့နံနက် ၆ နာရီ ၃၀ မိနစ်အချိန်ခန့်မှ ၎င်း၏ရုပ်အလောင်းအား လွတ်လပ်ရေးပန်းခြံရှိ ရေကန်ထဲတွင်တွေ့ရှိခဲ့ရခြင်းဖြစ်ကြောင်း သိရသည်။
အခင်းဖြစ်နေရာသို့ သက်ဆိုင်ရာတာဝန်ရှိသူများမှ သွားရောက်စစ်ဆေးခဲ့ရာ သေဆုံးသူ မောင်ရာဇာမိုး ၏ နှဖူးတွင် ၁ လက်မခန့် ပေါက်ပြဲဒဏ်ရာ ၁ ချက်၊ ဝဲဘက်အပေါ်နှုတ်ခမ်း ပေါက်ပြဲဒဏ်ရာ ၁ ချက်၊ ဝဲဘက်ရင်ဘတ် ညိုမဲဒဏ်ရာများရရှိကာ သေဆုံးနေကြောင်းတွေ့ရှိပြီး၊ အဆိုပါ ရုပ်အလောင်းအား နံနက် ၇ နာရီ ၁၀ မိနစ်အချိန်ခန့်တွင် ဘိုကလေးမြို့၊ ကုတင်(၁၀၀) ပြည်သူ့ဆေးရုံသို့ ပို့ဆောင်ခဲ့ပြီး၊ သေဆုံးမှုနှင့် ပတ်သက်၍ ဖခင်ဖြစ်သူ ဦးအုန်းမြင့်မှ တရားလိုပြုလုပ် တိုင်တန်းခဲ့ကာ တရာခံဖမ်းဆီးရမိရေးအား စစ်ဆေးဆောင်ရွက် လျက်ရှိပါကြောင်း သိရှိကြောင်း သိရသည်။
Telegram»…
https://t.me/positiveanglenews