(ပြည်တွင်း) အောက်တိုဘာ ၁၈

မြန်မာသက္ကရာဇ် ၁၃၈၆ ခုနှစ်၊ ရန်ကုန်တိုင်းဒေသကြီး အစိုးရအဖွဲ့မှကြီးမှူးကျင်းပသော သီတင်းကျွတ် ဈေးရောင်းပွဲတော်နှင့် ဂီတပွဲတော် အခမ်းအနားအား အောက်တိုဘာလ(၁၆)ရက်နေ့မှ (၁၈)ရက်နေ့အထိ စည်ကားသိုက်မြိုက်စွာ ကျင်းပပြုလုပ်လျှက်ရှိရာ

အောက်တိုဘာလ(၁၇)ရက်နေ့ နေ့လယ်ပိုင်းနှင့်ညပိုင်းတို့တွင် တိုင်းဒေသကြီးအတွင်းရှိ မြို့နယ်အသီးသီးမှ ပြည်သူသိန်းနှင့်ချီ၍ လာရောက်လည်ပတ် အပန်းဖြေကာ ရောင်းချလျှက်ရှိ ပြခန်းများမှ တိုင်းဒေသကြီး/ပြည်နယ်အသီးသီးမှ ဒေသထွက်ကုန်များ၊ အစားအသောက်များ၊ အဝတ်အထည်များ၊ အမှတ်တရလက်ဆောင်ပစ္စည်းများ၊ စာအုပ်များအား စျေးနှုန်းချိုသာစွာဖြင့် ရောင်းချပေးနေပြီး နေ့လယ်ပိုင်းနှင့်ညပိုင်းတို့တွင်လဲ ရုပ်ရှင်၊ ဂီတ၊ သဘင်နယ်ပယ်များမှ နာမည်ကျော်အနုပညာရှင်များမှ မြန်မာရိုးရာအကအလှများ၊ ခေတ်ပေါ်တီးဝိုင်းများဖြင့် သီဆိုကပြဖျော်ဖြေနေပြီး စတုဒိတာများကျွေးမွေးခြင်း၊ မီးပုံပျံများလွှတ်တင်ခြင်းတို့ကိုဆောင်ရွှက်နေသဖြင့် ပြည်သူများ အေးချမ်းပျော်ရွှင်စွာ လာရောက်လည်ပတ်လျှက်ရှိသည်။

ဖြိုးကိုလင်း(ညောင်ဝိုင်း)