မြန်မာ့ကုန်သွယ်ရေးနှင့် ပြောင်းဆီ ၊စားအုန်းဆီ၊ဖွဲနုဆီကဏ္ဍ အပိုင်း (၁)

(ဆောင်းပါး)

ကုန်သွယ်မှုတန်ဖိုးဆိုသည်မှာ ပို့ကုန် နှင့် သွင်းကုန်တို့ ခြားနားပြီး ရရှိလာသော တန်ဖိုး jreဖြစ်ပါသည်။ကုန်တန်ဖိုးသည် သွင်းကုန်ထက် ကျော်လွန်ကာ ကုန်သွယ်မှုပိုငွေကို ဖြစ်ပေါ်စေသည့်အခါ ကုန်သွယ်မှုငွေပိုလျှံခြင်းဖြစ်ပေါ်လာပါသည်။အပြန်အလှန်အားဖြင့် သွင်းကုန်တန်ဖိုးသည် ပို့ကုန်ထက် ကျော်လွန်သောအခါတွင် အနုတ်လက္ခဏာ ကုန်သွယ်မှု သိုမဟုတ် ကုန်သွယ်မှုလိုငွေ ဖြစ်ပေါ်လာတယ်ဟုပြောနိုင်ပါသည်။

ကျွန်တော်တို့ မြန်မာနိုင်ငံအနေဖြင့် မကြာသေးမီ နှစ်များအတွင်း ကုန်သွယ်

ရေးလိုငွေပြမှုကို ယေဘုယျအားဖြင့် ကြုံတွေ့ခဲ့ရပါသည်။အဆိုပါ လိုငွေပြမှုအနေနှင့်လူသုံးကုန်ပစ္စည်းများနှင့် စက်မှုပစ္စည်းများကို နိုင်ငံခြားမှတင်သွင်းမှုအပေါ် မှီခိုမှု၊ သဘာဝဓာတ်ငွေ့နှင့် ကျောက်မြတ်များကဲ့သို သဘာဝသယံဇာတများကိုလည်း အကန့်အသတ်ဖြင့် သာတင်ပိုမှု စသည်တိုအပါအဝင် အကြောင်းရင်းအမျိုးမျိုးကြောင့် လည်းဖြစ်နိုင်သည်ဟုသုံးသပ်နိုင်ပါသည်။

မြန်မာနိုင်ငံ၏ ကုန်သွယ်မှု ချိန်ခွင်လျှာသည် နိုင်ငံ၏သဘာ၀ သယံဇာတ တင်ပို့မှု အထူးသဖြင့် သဘာဝဓာတ်ငွေ့​အပေါ် သိသိသာသာ မှီခိုနေသည် ဟုစစ်တမ်းများအရသိရှိနိုင်သည်။ကျွန်တော်တို့ မြန်မာနိုင်ငံအစိုးရမှလည်း ပို့ကုန်ဦးစားပေးစက်မှုလုပ်ငန်းများ မြှင့်တင်ခြင်း၊ ကုန်သွယ်မှု လွယ်ကူစေရန် အခြေခံအဆောက်အအုံများ တိုးမြှင့်ခြင်းနှင့် နိုင်ငံခြားရင်းနှီးမြုပ်နှံမှုများကို ဆွဲဆောင်ခြင်းစသည့် ကုန်သွယ်ရေးရငွေ ကို မြှင့်တင်ရန် လုပ်ဆောင်လျက်ရှိသည်။ ယင်းကြိုးပမ်းမှုများသည် သွင်းကုန်များအပေါ် မှီခိုမှုကို လျှော့ချရန်နှင့် ပို့ကုန်ဝင်ငွေများ တိုးပွားစေရန် ရည်ရွယ်နေပါသော်လည်း ကုန်ထုတ်လုပ်မှုလုပ်ငန်းများမှာလုံလောက်စွာတိုးတက်လာခြင်းတော့မရှိသေးပေ။

ထိုကဲ့သို အမြဲတစေ ကုန်သွယ်မှုလိုငွေပြခြင်းသည် နိုင်ငံခြားငွေအရန်ငွေများကို ဖိအားဖြစ်စေပြီး ငွေကြေးတည်ငြိမ်မှုကို ထိခိုက်စေခြင်းနှင့် အလုံးစုံစီးပွားရေးတိုးတက်မှုကို ထိခိုက်လွှမ်းမိုးခြင်းတိုကြောင့် မြန်မာ့စီးပွားရေးကို ထိခိုက်နိုင်သည် ဟုလဲသုံးသပ်နိုင်ပါသည်။ကုန်သွယ်မှု ဟန်ချက်ညီခြင်း သိုမဟုတ် အပေါင်းလက္ခဏာကုန်သွယ်မှုသည် ရေရှည်အတွက်စီးပွားရေးဖွံဖြိုးတိုးတက်မှု အတွက်မရှိမဖြစ်လိုအပ်ပါသည်။

မြန်မာနိုင်ငံ၏ အဓိက ကုန်သွယ်ရေးသွင်းကုန်များကိုလေ့လာကြည့်လျှင် သန့်စင်ပြီးရေနံအနေဖြင့် အမေရိကန်ဒေါ်လာ ၅.၂ဘီလျှံဖိုးကျော်၊ ရေနံစိမ်း ၉၆၆ မီလျှံ၊ ရာဘာအပေါ့စားချည်ထည်မှာ မီလျှံ ၇၄၀ ကျော် နှင့် စားအုန်းဆီ ၇၄၀ မီလျှံဖိုး ခန့် တင်သွင်းခဲ့ပါသည်။

သန့်စင်ပြီးရေနံအနေဖြင့် အစိုးရမှ ရေနံချက်စက်ရုံများထပ်မံဆောက်ရန်ကြိုးပမ်းနေသည်ဟုသိရှိရပြီး ပုဂ္ဂလိက လုပ်ငန်းရှင်များအနေဖြင့်လဲ ပူးပေါင်းပါဝင်သင့်ပေသည်။

ရာဘာအပေါ့စားချည်ထည်လုပ်ငန်းအနေဖြင့် လုပ်ငန်းရှင်များအတွက် အရင်းအနှီးနှင့် နည်းပညာ အရင်းအနှီးရှိပါက မိမိတိုပြည်တွင်း၌ပင်စျေးကွက်အကြီးကြီး ရှိနေသည်ကို အဆိုပါ အချက်အလက်များအရသိရှိနေနိုင်သည်။

ထပ်မံ၍ နောက်ဆုံးဖြစ်သော စားအုန်းဆီ ကဏ္ဍအနေဖြင့် အစိုးရမှ အထူးလိူင်စင်များဖြင့် ချေးငွေများထုတ်ချေးခြင်းဖြင့် သော်လည်းကောင်း လုပ်ငန်းရှင်များအနေဖြင့်လည်းကောင်း ပြည်တွင်း၏ စားအုန်းဆီထုတ်လုပ်ရေးလုပ်ငန်းကို လုပ်ဆောင်သင့်ပေသည်။

စာရေးသူ၏ဆောင်းပါးတွင်အထူးသဖြင့် စားသုံးဆီ နှင့်ပတ်သတ်၍ အလေးပေးရေးသားသွားမည်ဖြစ်ပါသည်။

ဆီလုပ်ငန်းနှင့်ပတ်သတ်၍ မြန်မာနိုင်ငံတွင် တင်ပို့မှုအများဆုံးသီးနှံထဲတွင်ပါဝင်သော ပြောင်းဖူးမှရရှိသည့် ပြောင်းဆီအကြောင်းကို ဦးစွာပထမ တင်ပြလိုပါသည်။

ပြောင်းဆီကို နေရာများစွာတွင်အသုံးပြုနိုင်ပြီး အထူးသဖြင့် စားအုန်းဆီကဲ့သို့ လူအားဘေးမဖြစ်စေပဲ အကြော်လဲ ခံ သည့် ဆီ တစ်မျိုးပင်ဖြစ်ပါသည်။

ပြောင်းဆီထုတ်ယူရာတွင် အဆင့်များစွာပါဝင်ပြီး အဓိကအားဖြင့် ဆီကြွယ်ဝသောပြောင်းဖူးအဆံကို အခြားပြောင်းဖူးအသားနှင့် ခွဲထုတ်ရန် အဓိကအာရုံစိုက်သည်။ ဤသည်မှာ လုပ်ငန်းစဉ်၏ အခြေခံအကြမ်းဖျင်းဖြစ်သည်-

သန့်ရှင်းရေးနှင့် အခြောက်ခံခြင်း- ပြောင်းဖူးစေ့များကို အညစ်အကြေးများ သို့မဟုတ် မလိုအပ်သောအရာများကို ဖယ်ရှားရန် ​သေချာစွာ သန့်စင်ထားရသည်။ ထို့နောက် အစိုဓာတ်ပါဝင်မှုကို လျှော့ချရန် ၎င်းတို့ကို အခြောက်လှန်းထားရှိရပါသည်။ သို့မှသာဆီထုတ်ယူနေစဉ်အတွင်း အရည်အသွေးကို အထူးထိန်းသိမ်းနိုင်မှာဖြစ်ပါသည်။

ကြိတ်ခွဲခြင်း- သန့်စင်ပြီး အခြောက်လှန်းထားသော ပြောင်းစေ့များကို သေးငယ်သော အမှုန်များအဖြစ်သို့ ခွဲထုတ်ရန်အတွက် ကြိတ်ခွဲသည့် လုပ်ငန်းစဉ်ဖြင့် ဖြတ်သန်းပါသည်။ ဤကြိတ်ခွဲခြင်းအဆင့်သည် ပြောင်းဆီ၏ အဓိကအရင်းအမြစ်ဖြစ်သည့် ဆီကြွယ်ဝသော အပိုင်းများကို ဖော်ထုတ်ရာတွင် အထောက်အကူဖြစ်စေသည်။

ခွဲထုတ်ခြင်း- ကြိတ်ခွဲထားသော ပြောင်းဖူးသည် အစိတ်အပိုင်းအမျိုးမျိုးကို ခွဲခြားရန်အတွက် အစိုကြိတ်ခွဲခြင်း သို့မဟုတ် အခြောက်ကြိတ်ခြင်းဟုခေါ်သော လုပ်ငန်းစဉ်ကို ဆက်လက်လုပ်ဆောင်ပါသည်။

အစိုကြိတ်ခွဲခြင်း- အစိုကြိတ်ခြင်းတွင် ပြောင့်စေ့များကို ပျော့ပျောင်းစေရန် ရေနှင့် ဆာလဖာဒိုင်အောက်ဆိုဒ်တို့ကို စိမ့်ဝင်အောင် ပေါင်းထည့်သည်။ ၎င်းသည် အဆီပါရှိသောပြောင်းအဆံ အပိုင်းများကို အလွယ်တကူ ခွဲထုတ်နိုင်စေရန်အတွက် ပြုလုပ်ခြင်းဖြစ်ပါသည်။

အခြောက်ကြိတ်ခြင်း- အခြောက်ကြိတ်ခြင်းတွင် ရေမထည့်ဘဲ ပြောင်းစေ့များကို အမှုန့်ကြိတ်ခြင်း ပါဝင်သည်။ ထို့နောက် စက်ဖြင့် ခွဲခြားခြင်းနည်းပညာကို အသုံးပြု၍ ကစီဓာတ်၊ ဖိုင်ဘာနှင့် ဆီထုတ်ယူမည့်အဆံအပိုင်းများကို ခွဲထုတ်သည်။

ထုတ်ယူခြင်း- ခွာပြီးသည်နှင့် အဆီဖယ်ရှားရန် ပြောင်းဖူးဆံကို ထုတ်ယူသည်။ ပြောင်းဖူးဆီထုတ်ယူရာတွင် အသုံးပြုသည့်နည်းလမ်း နှစ်ခုရှိသည်။

ပျော်ဝင်ပစ္စည်းအသုံးပြုထုတ်ယူခြင်း-

စပါးပင်မှဆီထုတ်ယူရန် hexane သို့မဟုတ် အခြားသောပျော်ဝင်ပစ္စည်းများ ကို အသုံးပြု၍ အရည်ထုတ်ယူခြင်းလည်းပါဝင်ပါသည်။

ပျော်ဝင်ပစ္စည်းသည် ဆီများကို ပျော်ဝင်စေပြီး ပျော်ဝင်နေသည့်အရောအနှောကို ပေါင်းခံပြီး ဆီကိုပြန်၍ထုတ်ယူနိုင်ပါသည်။

အအေးခံဖိသိပ်ခြင်း- အအေးဖိသိပ်ခြင်းသည် အပူ သို့မဟုတ် ဓာတုပစ္စည်းများ မပါဝင်သည့် စက်ပိုင်းဆိုင်ရာထုတ်ယူသည့်နည်းလမ်းဖြစ်သည်။

ဟိုက်ဒရောလစ်ဖိစက် သို့မဟုတ် အခြားဖိစက် များကို အသုံးပြု၍ ​ပြောင်းဆံများမှ ဆီများကို ဖိ၍ဆီထုတ်ယူခြင်းဖြစ်သည်။ အအေးခံဖိသိပ်ခြင်းသည် ဆီ၏သဘာဝအရသာနှင့် အာဟာရအရည်အသွေးများကို ပိုမိုထိန်းသိမ်းထားသော်လည်း ပုံမှန်အားဖြင့် ပျော်ဝင်ပစ္စည်းအသုံးပြုဆီထုတ်ခြင်းထက်စာလျှင် အထွက်နှုန်းနည်းသည်။

သို့ရာတွင် မြန်မာနိုင်ငံအနေဖြင့် နည်းပညာအားဖြင့်ဆိုရလျှင် ပိုမို လွယ်ကူသော အအေးခံဖိသိပ်ခြင်း စနစ်ကိုပို၍ အသုံးပြုသင့်သည်။

သန့်စင်ခြင်း- ထုတ်ယူပြီးနောက်၊ ပြောင်းဆီကြမ်းမှ အညစ်အကြေးများ၊ အနံ့ဆိုးများကို ဖယ်ရှားရန်နှင့် ဆီ၏အရည်အသွေးကို မြှင့်တင်ရန်အတွက် သန့်စင်သည့်လုပ်ငန်းစဉ်များကို လုပ်ဆောင်သည်။ ၎င်းတွင် ညစ်ညမ်းစေခြင်း၊ သန့်စင်ခြင်း၊ အရောင်ချွတ်ခြင်း စသည့် လုပ်ငန်းစဉ်များ ပါဝင်ပါသည်။

ပြောင်းဆီထုတ်ယူခြင်းလုပ်ငန်းစဉ်သည် အမျိုးမျိုးသောစက်မှုလုပ်ငန်းများတွင် နည်းလမ်းအမျိုးမျိုးဖြင့် အသုံးချနိုင်သော ဘေးထွက်ပစ္စည်းအများအပြားကို လည်းထုတ်ပေးပါသည်

တိရိစ္ဆာန်အစာ ၁ – ပြောင်းဖူးစေ့အစာသည် ပြောင်းဖူးမှဆီထုတ်ယူပြီးနောက် ကျန်ရှိနေသော ထုတ်ကုန်တစ်ခုဖြစ်သည်။ ပရိုတင်း၊ အဆီနှင့် အမျှင်ဓာတ်များကြွယ်ဝပြီး တိရစ္ဆာန်အစာဖော်မြူလာများတွင် အဓိကအသုံးပြုသည်။

တိရစ္ဆာန်အစာ ၂ – ပြောင်းဖူးစေ့၏ အပြင်ဘက်အလွှာဖြစ်သော ပြောင်းဖွဲနုသည် အမျှင်ဓာတ်၏ရင်းမြစ်ဖြစ်ပြီး အစုလိုက်နှင့် အမျှင်ဓာတ်ပါဝင်မှုကို တိရစ္ဆာန်အစာများတွင် အသုံးပြုသည်။

လောင်စာ- ပြောင်းရိုး ပြောင်းပင် တို့ကို စွမ်းအင်ထုတ်လုပ်ရန်အတွက် ဇီဝလောင်စာအရင်းအမြစ်အဖြစ်လည်း အသုံးပြုနိုင်သည်။

သဘာဝပတ်ဝန်းကျင်အတွက်ထိခိုက်မှုမရှိစေသောပလတ်စတစ်များအနေဖြင့်လည်း eco-friendly product အနေဖြင့်  ထုပ်ပိုးခြင်း၊ တစ်ခါသုံး မီးဖိုချောင်သုံး ပစ္စည်းများနှင့် ဆွေးမြေ့နိုင်သော အိတ်များ ထုတ်လုပ်ရာတွင် ပြောင်းမှထွက်သောဘေးထွက်ပစ္စည်းများကို သုံးနိုင်သေးသည်။

ပြောင်းဖူးအမျှဥ်များကိုလဲသေချာစွာသန့်စင်၍ ခေါင်းအုံး ၊ကူရှင် တို့တွင် သွပ်စရာ အစာ အနေဖြင့်အသုံးပြုနိုင်သည်။

အထည်အလိပ်နှင့်အထည်များ ဖိုက်ဘာထုတ်လုပ်ခြင်းလုပ်ငန်း အနေဖြင့်လည်း ပြောင်းဖူးအခြေခံမျှင်များ (ဥပမာ၊ Ingeo) တို့ ကို အဝတ်အထည်၊ အိမ်သုံးအထည်အလိပ်များနှင့် ကော်ဇောခင်းခြင်းအတွက် ဂေဟစနစ်နှင့်သဟဇာတရှိသောအထည်များထုတ်လုပ်ရန် အသုံးပြုနိုင်ပါသည်။

တစ်ခါသုံး ပန်းကန်များ၊ ခွက်များနှင့် အသုံးအဆောင်များထုတ်လုပ်နိုင်ပါသည်။

Eco friendly ဖြစ်သောကြောင့် Green Movement အနေဖြင့်လဲအသုံးပြုနိုင်သည်။

ပြောင်းဖူးပင်များ၊ဖိထားသော ပြောင်းဖူးရိုးများကို သစ်သားအတွက် အစားထိုးအဖြစ် အသုံးပြုနိုင်သော ပျဉ်ပြားများကို ဖန်တီးရန်အတွက် အသုံးပြုနိုင်သည်။ အဆိုပါ ပျဥ်ပြား၊ဘုတ်ပြားများကို စင်များ၊ ဗီဒိုများနှင့် စားပွဲခုံများကဲ့သို့ ပရိဘောဂပစ္စည်းများပြုလုပ်ရာတွင် အသုံးပြုနိုင်သည်။

​အထက်ပါ လုပ်ငန်းများမှာ ပြောင်းဖူးမှရသည့်စွန့်ပစ်ဘေးထွက်ပစ္စည်းများမှ ရရှိလာနိုင်သော လုပ်ဆောင်နိုင်သော လုပ်ငန်းများသာဖြစ်ပြီး

ပြောင်းဖူးကို ဆီထုတ်ယူယုံတင်သာမကပဲ အခြားသော နေရာများစွာတွင် ဥပမာ ကော်ထုတ်လုပ်ရာတွင်လည်းကောင်း၊ အလှကုန်လုပ်ငန်းများ၊ အာဟာရမှုန့်များ စသဖြင့် များစွာသောအသုံးပြုမှုများလည်းရှိနေသေးသည်။

သို့ရာတွင် မိမိတို့နိုင်ငံတော်အနေဖြင့် စားအုန်းဆီတင်သွင်းမှုမှာ အမေရိကန်ဒေါ်လာ သန်း ၇၀၀ အထိ မြင့်တက်လျှက်ရှိသဖြင့် စားအုန်းဆီအစားထိုး ပြောင်းဆီအနေဖြင့် အသုံးပြုနိုင်စေရန်နှင့်

နိုင်ငံတော်မှလဲ ပြောင်းဆီထုတ်လုပ်မှုကို ပြည်သူများအားငွေထုတ်ချေးခြင်း အထူး​ချေးငွေများ မြေယာငှား မ်းခြင်း အစရှိသည့် ပေါ်လစီများချမှတ်ကာ အလေးပေးဂရုပြုဆောင်ရွက်သွားနိုင်ပါရန် တင်ပြလိုက်ရပါတယ်။

(စားအုန်းဆီ စိုက်ပျိုးရေးနှင့် ဖွဲနုဆီ တို့ နှင့်ပတ်သတ်၍ အပိုင်း (၂) တွင် ဆက်လက်ဖော်ပြပါမည်)

ဇွဲ(Hydro)