“အမေရိကန်နိုင်ငံက ထိုင်ဝမ် သို့မဟုတ် အခြားနေရာများတွင် တရုတ်နိုင်ငံ၏ ရန်လိုမှုများကို ဟန့်တားနိုင်ရန် အမေရိကန် လေတပ်၏ စွမ်းဆောင်ရည်များကို သာလွန် အင်အားဖြစ်စေရန် ပြင်ဆင်မှုများ ပြုလုပ်သွား ဖွယ်ရှိနေ”

စက်တင်ဘာ ၁၄

Chief of Space Operations Gen. Chance Saltzman, left, Chief Master Sgt. of the Space Force Roger Towberman, Air Force Vice Chief of Staff Gen. David Allvin and Chief Master Sgt. of the Air Force JoAnne Bass speak during the panel discussion “Warfighting from the Homefront: Senior Leaders Perspective” at the Air and Space Forces Association 2023 Warfare Symposium in Aurora, Colo., March 6, 2023. (U.S. Air Force photo by Eric Dietrich)

အမေရိကန်နိုင်ငံ၏ လေတပ် အကြီးအကဲ အတွင်းရေးမှူး Frank Kendall က ၎င်းတို့နိုင်ငံ၏ လေတပ်တပ်ဖွဲ့ဝင်များအား အကောင်းဆုံးဖြစ်အောင် လုပ်ဆောင်နိုင်ရန်နှင့် တရုတ်နိုင်ငံ နှင့် အမေရိကန်နိုင်ငံတို့အကြား လက်နက်ကိုင် အပြိုင်အဆိုင်များအတွက် ပြင်ဆင်ထားရန် အမေရိကန်အစိုးရကို တောင်းဆိုခဲ့တာဖြစ်ပါတယ်။

အမေရိကန် လေတပ် အတွင်းရေးမှူးချုပ်၏ ကြေညာချက်ကို Fox News က ပြီးခဲ့သည့် စက်တင်ဘာ ၁၂ရက်နေ့က ထုတ်ပြန်ပြောကြား ခဲ့တာဖြစ်ပြီး တရုတ်နိုင်ငံသည် ၎င်း၏ စစ်အင်အားကို ပြီးခဲ့သည့် အနှစ် ၂၀ အတွင်း အထူးမဟာဗျူဟာများဖြင့် ထူထောင်ထားပြီးလည်းဖြစ်တယ်လို့ အတွင်းရေးမှူးချုပ်က မှတ်ချက်ပြုပြောကြား ခဲ့ပါတယ်လို့လည်းဖော်ပြပြောဆိုထားပါတယ်။

“ခေတ်မှီ စစ်ပွဲတွေအတွက် ကျနော်တို့ ပြင်ဆင်ထားရမယ်” လို့ အမေရိကန် လေတပ်အတွင်းဝန်က လည်း ပြောကြားထားပါသေးတယ်။

“လွန်ခဲ့တဲ့ အနှစ် ၂၀ အတွင်း တရုတ်ဟာ သူ့ရဲ့(တရုတ်) လက်နက်တွေကို လျင်မြန်စွာ တီထွင်ထုတ်လုပ်ခဲ့ပြီး အခုချိန်မှာတော့ သူတို့(တရုတ်) ဟာ အဓိကပြဿနာဖြစ်လာပါပြီ” လို့ Kendall က ထပ်လောင်း ပြောကြားခဲ့ပါသေးတယ်။

ထိုင်ဝမ် သို့မဟုတ် အခြားနေရာများတွင် တရုတ်နိုင်ငံ၏ ရန်လိုမှုများကို ဟန့်တားနိုင်ရန် အမေရိကန်လေတပ်၏ စွမ်းဆောင်နိုင်ရည် များမလုံလောက်ပါက စစ်ပွဲကြီး ဖြစ်ပွားနိုင်တယ်လို့လည်း အတွင်းရေးမှူးချုပ်က သတိပေးပြောကြားခဲ့တာဖြစ်ပါတယ်။