(မှုခင်း) သြဂုတ် ၁၃
မန္တလေးတိုင်းဒေသကြီး၊ ပြင်ဦးလွင်မြို့နယ်တွင် Expressယာဉ်ပေါ်သို့ ဓါတ်ကြိုးပြုတ်ကျရာမှ ကားပေါ်ရှိ အမျိုးသား၃ဦး ဓာတ်လိုက်မှုဖြစ်ပွားခဲ့ကြောင်း မီးသတ်တပ်ဖွဲ့ထံမှ သိရသည်။
သြဂုတ်လ ၁၂ရက်နေ့ ည၁၀နာရီ၃၄မိနစ်အချိန်တွင် ပြင်ဦးလွင်မြို့နယ်တွင် ရပ်ကွက်ကြီး(၃)၊ အောင်ဇေယျလမ်းရှိ တောင်တမာပင်၏ သစ်ကိုင်းကျိုးကျ၍ ရပ်နားထားသည့် Expressယာဉ်ပေါ်သို့ ဓါတ်ကြိုးပြုတ်ကျကာ ကားပေါ်ရှိ ကျား(၃)ဦး ဓာတ်လိုက်မှုဖြစ်ပွားသဖြင့် ခ ပြင်ဦးလွင်ခရိုင်မီးသတ်စခန်းမှ ရှာဖွေကယ်ဆယ်ရေးယာဉ်(၁)စီး၊ ပြင်ဦးလွင်မြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ ဆောင်ရွက်ခဲ့ရာ အမျိုးသား ၃ဦး အနက် ၁ဦး သေဆုံးပြီး ၂ဦး ထိခိုက်ဒဏ်ရာရရှိခဲ့ကြောင်း သိရသည်။
အဆိုပါ သေဆုံးသူနှင့် ထိခိုက်ဒဏ်ရာရရှိသူတို့အား သန္တိသုခလူမှုကူညီရေးအသင်းမှ သူနာတင်ယာဉ်ဖြင့် ပြင်ဦးလွင်မြို့နယ် ပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း သိရသည်။
Telegram»…
https://t.me/positiveanglenews
PAN