(နိုင်ငံတကာ) ဇူလိုင် ၁၆
မြန်မာနိုင်ငံ ရခိုင်ပြည်နယ်မှ ထွက်ခွာလာသည့် ဘင်္ဂါလီများများကို တင်ဆောင်လာသော သင်္ဘောနှစ်စင်းသည် မြန်မာ့ကမ်း လွန်ပင်လယ်ပြင်တွင် နစ်မြုပ်သွားခဲ့ပြီး လူပေါင်း ၅၀၀ ကျော် သေဆုံး သို့မဟုတ် ပျောက်ဆုံးနေဖွယ်ရှိကြောင်း ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) နှင့် နိုင်ငံ တကာ ရွှေ့ပြောင်းသွားလာသူများဆိုင်ရာအဖွဲ့ (IOM) တို့က ပူးတွဲထုတ်ပြန်လိုက်သည်။
အဆိုပါသင်္ဘောနှစ်စင်းသည် ဇွန်လနှောင်းပိုင်းတွင် ရခိုင် ပြည်နယ်မှ ထွက်ခွာလာခြင်းဖြစ်ပြီး တစ်စင်းလျှင် လူ ၂၅၀ နှင့် ၂၈၀ ခန့် အသီးသီး တင်ဆောင်လာကြောင်း သိရသည်။ ပထမသင်္ဘောမှာ ထွက်ခွာပြီးမကြာမီ ဆက်သွယ်မှုပြတ်တောက်သွားခဲ့ပြီး၊ ဒုတိယသင်္ဘောမှာ ဇူလိုင် ၈ ရက်တွင် ဧရာဝတီတိုင်း ကမ်း လွန်ပင်လယ်ပြင်၌ နစ်မြုပ်ခဲ့ခြင်းဖြစ်သည်။
သင်္ဘောပေါ်တွင် လိုက်ပါလာသူများမှာ ဘင်္ဂလားဒေ့ရှ်နိုင်ငံ၊ ကော့စ်ဘဇားစခန်းများမှ လာရောက်သူများနှင့် ရခိုင် ပြည်နယ်မှ ထွက်ခွာလာသူများဖြစ်ကြောင်း ပဏာမသတင်းများအရ သိရသည်။
ကုလသမဂ္ဂအဖွဲ့အစည်းများ၏ အဆိုအရ ယခုခရီးစဉ်များ သည် ပင်လယ်ပြင်အခြေအနေ အလွန်ဆိုးရွားသည့် ရာသီဥတုတွင် ဖြစ်ပွားခဲ့ခြင်းဖြစ်သည်။ မကြာသေးမီက ဒေသတွင်းတွင် ရွာသွန်းခဲ့သော မိုးသည်းထန်မှုနှင့် ရေကြီးမှုများက ပင်လယ်ပြင်ခရီးသွားလာမှု အန္တရာယ်ကို ပိုမိုမြင့်တက်စေခဲ့သည်။ လူမှောင်ခိုကွန်ရက်များက စီစဉ်ပေးသော ခိုင်ခံ့မှုမရှိသည့် လှေများကို အသုံးပြု၍ စွန့်စားခရီးနှင်ရခြင်းမှာ ဒုက္ခသည်များအတွက် အသက်အန္တရာယ် ကြီးမားလှသည်။
UNHCR နှင့် IOM တို့က ဤဖြစ်စဉ်သည် ဆိုးရွားရှည်လျားနေသည့် ပဋိပက္ခများနှင့် လူသားချင်းစာနာထောက်ထားမှုဆိုင်ရာ အကျပ်အတည်းများ၏ အကျိုး ဆက်ဖြစ်ကြောင်း ထောက်ပြခဲ့သည်။
“အကယ်၍သာ ဤသတင်းများ အတည်ဖြစ်လာပါက၊ ယခုနှစ်အတွင်း ပင်လယ်ပြင်တွင် ပျောက်ဆုံး သို့မဟုတ် သေဆုံးခဲ့သည့် ဒုက္ခသည် ၃၀၀ နီးပါး၏ စာရင်းတွင် ဤကပ်ဆိုးကြီးသည် ထပ်မံဖြည့်စွက်သွားလိမ့်မည်ဖြစ်သည်” ဟု ကြေညာချက်တွင် ဖော်ပြထားသည်။
ကုလသမဂ္ဂအဖွဲ့အစည်းနှစ်ခုက ဒေသတွင်းနိုင်ငံများအနေဖြင့် ရှာဖွေကယ်ဆယ်ရေးလုပ်ငန်းများကို အရေးပေါ်တိုးမြှင့်ဆောင် ရွက်ရန်၊ ဒုက္ခသည်များအား ခိုလှုံခွင့်ပေးရန်နှင့် လူမှောင်ခိုကူး သန်းရောင်းဝယ်သည့် ကွန်ရက်များကို ထိရောက်စွာ အရေးယူရန် တိုက်တွန်းထားသည်။
ထို့ပြင် ဘင်္ဂါလီအရေးနှင့် ပတ်သက်၍ အဓိကအကြောင်းအရင်းများကို ဖြေရှင်းပေးနိုင်မည့် ရေရှည်နိုင်ငံတကာ အထောက်အပံ့များနှင့်ဖြေရှင်းနည်းများ လိုအပ်နေကြောင်း အလေးပေး ပြောကြားခဲ့သည်။
Telegram»… https://t.me/positiveanglenews
#PAN