ပခုက္ကူမြို့နယ် ကမ္မ-မြိုင်လမ်းပိုင်းတွင် ထောင်ထားသည့် လက်လုပ်မိုင်းနှင့် ကားမိုင်း ၈၀ လုံးအား လုံခြုံရေးတပ်ဖွဲ့ဝင်များ ရှာဖွေဖော်ထုတ် ဖယ်ရှားရှင်းလင်း

(ပြည်တွင်း)ဇွန် ၁၇

     ​​မကွေးတိုင်းဒေသကြီး၊ ပခုက္ကူခရိုင်၊ ကမ္မ-မြိုင် လမ်းပိုင်းတစ်လျှောက်တွင် ထောင်ထားသည့် လက်လုပ်မိုင်းနှင့် ကားမိုင်း စုစုပေါင်း ၈၀ လုံးအား လုံခြုံရေးတပ်ဖွဲ့ဝင်များက ရှာဖွေဖော် ထုတ်၍ ဘေးကင်းစွာ ဖယ်ရှားရှင်းလင်းနိုင်ခဲ့ကြောင်း တရားဝင်သတင်းထုတ်ပြန်ချက်များအရ သိရသည်။
​
     အများပြည်သူ နေ့စဉ်ဖြတ်သန်းသွားလာနေသည့် လမ်းပိုင်းများတွင် ပေါက်ကွဲစေတတ်သော ပစ္စည်းများနှင့် မိုင်းများ ထောင်ထားကြောင်း ဒေသခံပြည်သူများ၏ လျှို့ဝှက်သတင်း ပေးပို့ချက်အရ လုံခြုံရေးတပ်ဖွဲ့ဝင်များသည် ဇွန် လ ၁၅ ရက်နေ့တွင် အဆိုပါဒေသအတွင်း နယ်မြေရှင်းလင်းရေးနှင့် လုံခြုံရေးလုပ်ငန်းများကို အရှိန်အဟုန်မြှင့် လုပ်ဆောင်ခဲ့ကြသည်။

ယင်းသို့ လုံခြုံရေးလုပ်ငန်းများ လုပ်ဆောင်စဉ် မန်ကျည်းတန်းကျေးရွာအနီး လမ်းဘေးတစ်လျှောက်တွင် PDF အဖွဲ့များ ထောင်ထားခဲ့သည့် ဆီပေပါခွံဖြင့် ပြုလုပ်ထားသော ကားမိုင်းကြီး ၁၇ လုံး၊ ပလတ်စတစ်ပုံးများဖြင့် ပြုလုပ်ထားသော ကားမိုင်း ၁၃ လုံး၊ လက်လုပ်မိုင်း ၈ လုံးနှင့် လက်လုပ်ရှေ့ထွက်မိုင်း ၄၂ လုံး အပါအဝင် စုစုပေါင်း ပေါက်ကွဲစေတတ်သော မိုင်း ၈၀ လုံးကို ကနဦး ရှာဖွေတွေ့ရှိခဲ့ခြင်း ဖြစ်သည်။
​
     အဆိုပါ ရှာဖွေတွေ့ရှိရသည့် မိုင်းများနှင့် ပေါက်ကွဲစေတတ်သော ပစ္စည်းများအားလုံးကို လမ်းပန်းဆက်သွယ်ရေး ပြတ်တောက်မှုမရှိစေရန်နှင့် ဖြတ်သန်းသွားလာနေကြသည့် အရပ် သားပြည်သူများနှင့် ခရီးသွားဧည့်သည်များ အသက်အန္တရာယ် မထိခိုက်စေရန်အတွက် လုံခြုံရေးတပ်ဖွဲ့ဝင်များက စနစ်တကျ သက်မဲ့ပြုလုပ်ကာ ဘေးကင်းစွာ သိမ်းဆည်းဖယ်ရှားခဲ့ကြသည်။
​
     ဒေသတွင်း ထပ်မံဖြစ်ပွားလာနိုင်မည့် မိုင်းအန္တရာယ်နှင့် ခြိမ်း ခြောက်မှုများကို ကြိုတင်ကာကွယ်ရန်၊ လမ်းခရီးလုံခြုံချောမွေ့စေရန်နှင့် နယ်မြေတည်ငြိမ်အေးချမ်းမှု ရရှိစေရန်အတွက် လုံခြုံ ရေးတပ်ဖွဲ့ဝင်များသည် ဒေသခံပြည်သူများနှင့် နီးကပ်စွာ ပူး ပေါင်း၍ လုံခြုံရေးနှင့် နယ်မြေစိုးမိုးရေးလုပ်ငန်းများကို ဆက် လက်တိုးမြှင့် ဆောင်ရွက်သွားမည်ဖြစ်ကြောင်း အာဏာပိုင်များ၏ ထုတ်ပြန်ချက်အရ သိရသည်။

Telegram»…
https://t.me/positiveanglenews

#PAN