(နိုင်ငံတကာ) မေ ၁၇
ထိုင်းနိုင်ငံမှာ ဖြစ်ပွားခဲဲတဲ့ ဘတ်စ်ကားနဲ့ ရထားတိုက်မှုမှာ ဒဏ်ရာရသွားသူတွေထဲ ထိုင်းရောက် မြန်မာနိုင်ငံသားတွေ ပါဝင်နေတယ်လို့ သိရပါတယ်မေလ ၁၆ ရက်နေ့ မနေ့က ထိုင်းနိုင်ငံ၊ ဘန်ကောက်မြို့လယ်မှာ ရထားလမ်းနဲ့ ကားလမ်းဆုံပေါ်ကို ရောက်လာတဲ့ ဘတ်စ်ကားတစ်စီးကို ရထားတစ်စီးက ဝင်တိုက်ခဲ့တာဖြစ်ပါတယ်။
အဆိုပါ မတော်တဆမှုကြောင့် ဘတ်စ်ကားပေါ်ပါလာသူ ၈ ဦးသေဆုံးပြီး ၃၀ ဦးထက်မနည်း ထိခိုက်ဒဏ်ရာရရှိခဲ့တယ်လို့ ထိုင်းအာဏာပိုင်တွေက သတင်းထုတ်ပြန်ခဲ့ပါတယ်။
ထိုမတော်တဆမှုမှာ ပါဝင်သွားတဲ့ သေဆုံးသူထဲမှာ မြန်မာနိုင်ငံသားတွေ ပါဝင်မှု ရှိ၊ မရှိ မသိရပေမယ့် ဒဏ်ရာရသူ ၃၀ ကျော်ထဲမှာ မြန်မာ ၅ ဦးပါဝင်နေတယ်လို့ ထိုင်းဘက်က လာတဲ့သတင်းတွေအရ သိရပါတယ်။
ထိုင်းနိုင်ငံရဲ့ လမ်းတွေဟာ ဘေးအန္တရာယ်ကင်းရှင်းရေး အားနည်းမှုတွေရှိနေုပြီး တစ်ရက်ကို လူအယောက် ၅၀ လောက် သေဆုံးနေကာ ကမ္ဘာ့အန္တရာယ်အများဆုံး လမ်းတွေထဲမှာ ပါဝင်နေတယ်လို့ WHO က ပြောပါတယ်။
ဒါ့အပြင် WHO အဖွဲ့ဝင် ၁၇၅ နိုင်ငံထဲမှာ ထိုင်းနိုင်ငံဟာ ယာဉ်တိုက်မှုကြောင့် လူသေဆုံးသူ အဆင့် ၉ နေရာမှာ ရပ်တည်နေတယ်လို့လည်း WHO က ဆိုထားပါတယ်။