အာရှရေပြင်တွင် အီရန်ရေနံတင်သင်္ဘော (၃) စင်းကို အမေရိကန် ရေတပ်က ကြားဖြတ်တားဆီး

(နိုင်ငံတကာ) ဧပြီ ၂၃

     ​အမေရိကန်နှင့် အီရန်တို့အကြား စစ်ရေးတင်းမာမှုများသည် အရှေ့အလယ်ပိုင်းဒေသမှ ကျော်လွန်၍ အာရှရေပြင်အထိ ကူးစက်လာနေပြီဖြစ်သည်။ အမေရိကန်စစ်တပ်သည် အိန္ဒိယ၊ မလေးရှားနှင့် သီရိလင်္ကာနိုင်ငံတို့အနီးတွင် ရောက်ရှိနေသည့် အီရန်ရေနံတင် သင်္ဘော (၃) စင်းကို ကြားဖြတ်တားဆီးကာ လမ်း ကြောင်းပြောင်းခိုင်းခဲ့ကြောင်း ရေကြောင်းလုံခြုံရေး သတင်းရင်းမြစ်များက အတည်ပြုခဲ့သည်။
​
​    အမေရိကန်၏ ပိတ်ဆို့မှုကို ချိုးဖောက်ရန် ကြိုးပမ်းသည်ဟုဆိုကာ Dorenasupertanker ၊ Deep Sea supertanker နှင့် Sevin tanker ၃ စီးကို ကြားဖြတ်တားဆီးခဲ့ခြင်းဖြစ်သည်။ Dorenasupertanker သည်ရေနံစိမ်း ဘာရယ် (၂) သန်း အပြည့်တင်ဆောင်လာသည့် အဆင့်မြင့်သင်္ဘောကြီးဖြစ်ပြီး အိန္ဒိယသမုဒ္ဒရာအတွင်း အမေရိကန်ဖျက်သင်္ဘောတစ်စင်း၏ စောင့် ကြပ်ဖမ်းဆီးခြင်းကို ခံထားရသည်။ Deep Sea supertanker မှာ မလေးရှားကမ်းလွန်တွင် တွေ့ရှိခဲ့သည့် အီရန်ရေနံတင်သင်္ဘောကြီးဖြစ်ပြီး အမေရိကန်က လမ်းကြောင်းလွှဲကာ ဖမ်းဆီးခဲ့ခြင်းဖြစ်သည်။ အမြင့်ဆုံး ပမာဏ ဘာရယ် ၁ သန်းအထိ ဆံ့သည့် Sevin tanker ကို လွန်ခဲ့သည့် တစ်လခန့်က မလေးရှားကမ်းလွန်တွင် နောက်ဆုံးတွေ့ရှိခဲ့ခြင်းဖြစ်သည်။
​
​     ဝါရှင်တန်က အီရန်၏ ရေကြောင်းကုန်သွယ်ရေးကို ပိတ်ဆို့ထားသကဲ့သို့ အီရန်ဘက်ကလည်း လက်စား ချေသည့်အနေဖြင့် ဟော်မုဇ်ရေလက်ကြားမှ ထွက်ခွာရန် ကြိုးပမ်းသည့် ကွန်တိန်နာသင်္ဘော (၂) စင်းကို ဗုဒ္ဓဟူးနေ့တွင် ပစ်ခတ်ဖမ်းဆီးခဲ့သည်။ ဤသည်မှာ စစ်ပွဲစတင်ချိန်မှစ၍ အီရန်ဘက်က ပထမဆုံးအကြိမ် သင်္ဘောများကို သိမ်းဆည်းလိုက်ခြင်း ဖြစ်သည်။ အီရန်နိုင်ငံခြားရေးဝန်ကြီးဌာနက အမေရိကန်၏ လုပ်ရပ်မှာ “ပင်လယ်ဓားပြလုပ်ရပ်” သာဖြစ်ကြောင်း ပြစ်တင်ရှုတ် ချထားသည်။
​
​     ဟော်မုဇ်ရေလက်ကြား ပိတ်ဆို့မှုနှင့် အာရှရေပြင်အထိ ရောက်ရှိလာသော သင်္ဘောဖမ်းဆီးမှုများကြောင့် ကမ္ဘာ့ရေနံနှင့် ဓာတ်ငွေ့ထောက်ပံ့မှု၏ ငါးပုံတစ်ပုံခန့် ပြတ်တောက်သွားခဲ့သည်။ ယင်းကြောင့် တစ်ကမ္ဘာလုံးတွင် စွမ်းအင်စျေးနှုန်းများ ထိုးတက်နေပြီး အမေရိကန်နိုင်ငံအတွင်း၌ပင် စက်သုံးဆီစျေးနှုန်းမှာ စစ်စတင်ချိန်မှစ၍ ၂၅ ရာခိုင်နှုန်းကျော် မြင့်တက်လာခဲ့သည်။

​#USIranWar #OilTankerSeized #StraitOfHormuz #EnergyCrisis #IndianOcean #BreakingNews #PositiveAngleNews #InternationalNews

Telegram»…
https://t.me/positiveanglenews

#PAN