(နိုင်ငံတကာ) ဧပြီ ၂၀
ဂျပန်နိုင်ငံ မြောက်ပိုင်းတွင် တနင်္လာနေ့ ဒေသစံတော်ချိန် ညနေ ၄ နာရီ ၅၃ မိနစ်က ပြင်းအား ၇ ဒဿမ ၅ ရှိသော ငလျင်တစ်ခု အီဝါတီစီရင်စု ပစိဖိတ်ကမ်းလွန်ရေပြင် အနက် ၁၀ ကီလိုမီတာခန့်မှ လှုပ်ခတ်ခဲ့သည်။
အဆိုပါငလျင်လှုပ်ခတ်ပြီးနောက် အီဝါတီ၊ အာအိုမိုရီနှင့် ဟော့ကိုင်းဒိုး စီရင်စုများတွင် မြင့်မားသော ဆူနာမီရေလှိုင်းများသည် အမြင့် ၃ မီတာအထိ ရိုက်ခတ်နိုင်ကြောင်း ဂျပန်မိုးလေဝသဌာနက သတိပေးထားသည်။
ငလျင်လှုပ်ခတ်မှုကြောင့် ကီလိုမီတာရာပေါင်းများစွာ ဝေးကွာသည့် တိုကျိုမြို့ရှိ အဆောက်အအုံကြီးများအထိ လှုပ်ခါမှုဖြစ်ပွားခဲ့ပြီး တိုကျိုဘူတာနှင့် ရှင်အာအိုမိုရီဘူတာကြား ရထားပြေးဆွဲမှုများကို ယာယီရပ်ဆိုင်းထားကြောင်း Tohoku Shinkansen လျှပ်စစ်ရထားဝန်ဆောင်မှုမှ ထုတ်ပြန်ထားသည်။