(နိုင်ငံတကာ)မတ် ၉
အရှေ့အလယ်ပိုင်းဒေသတွင် အီရန်၏ ဒုံးကျည်ခြိမ်းခြောက်မှုများကို တန်ပြန်ရန် တပ်ဖြန့်ထားသော အမေရိကန်၏ Patriot လေကြောင်းကာကွယ်ရေးစနစ်သည် ပစ်ခတ်မှုအတွင်း နည်းပညာချို့ယွင်းချက် ဖြစ်ပေါ်ခဲ့ပြီး ဘာရိန်းနိုင်ငံရှိ လူနေထူထပ်သော ရပ် ကွက်တစ်ခုအတွင်းသို့ ကျရောက်ပေါက်ကွဲခဲ့သည်။
ဒုံးကျည်ကျရောက်မှုကြောင့် လူနေအိမ်အချို့နှင့် မော်တော်ယာဉ်များ ပြင်းထန်စွာ ပျက်စီးခဲ့ပြီး ဒေသခံပြည်သူများအကြား ကြီးမားသော ထိတ်လန့်တုန်လှုပ်မှု (Chaos) ဖြစ်ပေါ်ခဲ့သည်။ လက်ရှိတွင် ထိခိုက်ဒဏ် ရာရရှိသူ အရေအတွက်ကို အတည်ပြုရန် ကြိုးပမ်းနေဆဲ ဖြစ်သည်။
အမေရိကန် အလယ်ပိုင်းစစ်ဌာနချုပ် (CENTCOM) က ဤဖြစ်ရပ်ကို စုံစမ်းစစ်ဆေးနေကြောင်းနှင့် နည်းပညာပိုင်းဆိုင်ရာ ချို့ယွင်းမှုဖြစ်နိုင်ကြောင်း ကနဦး ထုတ်ပြန်ထားသည်။
ဘာရိန်းသည် အမေရိကန် ရေတပ်(US 5th Fleet) အခြေစိုက်ရာနိုင်ငံဖြစ်ပြီး ယခုဖြစ်ရပ်ကြောင့် ဒေသခံများအကြား အမေရိကန်တပ်များ ရှိနေခြင်းအပေါ် ဝေဖန်မှုများ ထွက်ပေါ်လာနိုင်သည်။
အဆင့်မြင့်သည်ဟု ဆိုရမည့် Patriot စနစ်များ ယခုကဲ့သို့ ချို့ယွင်းမှုဖြစ်ပေါ်ခြင်းသည် အမေရိကန်၏ လေကြောင်းကာကွယ်ရေး ယုံကြည်စိတ်ချရမှုအပေါ် မေးခွန်းထုတ်စရာ ဖြစ်လာစေသည်။ အထူး သဖြင့် အီရန်နှင့် တင်းမာနေချိန်တွင် မဟာမိတ်နိုင်ငံအတွင်း ယခုကဲ့သို့ မှားယွင်းမှုဖြစ်ခြင်းမှာ စစ်ရေးအရရော နိုင်ငံရေးအရပါ ထိခိုက်စေနိုင်သည်။
#PositiveAngle #Bahrain #USMilitary #PatriotMissile #Misfire #MiddleEastCrisis #BreakingNews
Telegram»…
https://t.me/positiveanglenews
#PAN