(နိုင်ငံတကာ)မတ် ၇
အမေရိကန်-အီရန် စစ်ပွဲဟာ ပထမတစ်ပတ်အတွင်းကို ရောက်ရှိလာချိန်မှာ ကမ္ဘာ့ရေနံစိမ်းဈေးနှုန်းတွေဟာ နှစ်ပေါင်းများစွာအတွင်း အမြင့်ဆုံးစံချိန်ကို ရောက်ရှိလာခဲ့ပါတယ်။
ဘရန့် ရေနံစိမ်းဈေးနှုန်းဟာ သောကြာနေ့ (မတ်လ ၆ ရက်) မှာ တစ်စည်ကို ၉၀ ဒေါ်လာ ကျော်အထိ (အမြင့်ဆုံး ၉၁.၈၉ ဒေါ်လာအထိ) ရောက်ရှိခဲ့ပြီး၊ ဒါဟာ လွန်ခဲ့တဲ့ ၂ နှစ်ခွဲအတွင်း အမြင့်ဆုံးနှုန်းထား ဖြစ်ပါတယ်။
အမေရိကန်ရေနံစိမ်း (WTI) ဈေးနှုန်းဟာလည်း တစ်စည်ကို ၉၀ ဒေါ်လာ အထက်ကို ရောက်ရှိသွားခဲ့ပြီး၊ ၂၀၂၂ ခုနှစ် ဩဂုတ်လနောက်ပိုင်း အမြင့်ဆုံး စံချိန်တင်ခဲ့ပါတယ်။
စစ်ပွဲမစတင်မီ ဖေဖော်ဝါရီ ၂၇ ရက်နဲ့ နှိုင်းယှဉ်ရင် Brent Crude ဈေးနှုန်းဟာ ၂၃% ခန့်၊ WTI ဟာ ၃၀% ခန့်အထိ တစ်ဟုန်ထိုး မြင့်တက်လာခဲ့တာ ဖြစ်ပါတယ်။
ကမ္ဘာ့ရေနံတင်ပို့မှုရဲ့ ၅ ပုံ ၁ ပုံခန့် ဖြတ်သန်းရာ ဟော်မုဇ်ရေလက်ကြား (Strait of Hormuz) မှာ ရေနံတင် သင်္ဘောတွေ သွားလာမှု ရပ်တန့်လုနီးပါး ဖြစ်နေခြင်းက အဓိကအချက် ဖြစ်ပါတယ်။
အီရန်နဲ့ ဒေသတွင်းက ရေနံထုတ်လုပ်မှု နေရာတွေ ဒရုန်းနဲ့ ဒုံးကျည်တိုက်ခိုက်မှုတွေ ခံနေရခြင်းက ထောက်ပံ့မှုပြတ်တောက်မယ့် အန္တရာယ်ကို ပိုမိုကြီးမားစေပါတယ်။
အီရန်ရဲ့ တိုက်ခိုက်မှုတွေကြောင့် ကာတာနိုင်ငံကလည်း ၎င်းတို့၏ အဓိက သဘာဝဓာတ်ငွေ့ (LNG) ထုတ်လုပ်မှုတွေကို ရပ်နားထားလိုက်ခြင်းက စွမ်းအင်ဈေးကွက်ကို ပိုမိုလှုပ်ခတ်စေခဲ့ပါတယ်။
ရေနံဈေးနှုန်း ထိန်းညှိဖို့အတွက် ဆော်ဒီအာရေးဗီးယားနဲ့ ရုရှားဦးဆောင်တဲ့ OPEC+ အဖွဲ့က ဧပြီလကစပြီး ရေနံထုတ်လုပ်မှုပမာဏကို တစ်ရက်လျှင် စည်ပေါင်း ၂၀၆,၀၀၀ တိုးမြှင့်ထုတ်လုပ်ဖို့ သဘောတူထားပါတယ်။ သို့သော်လည်း ကျွမ်းကျင်သူများက ရေလက် ကြားပိတ်ဆို့နေသရွေ့ ဒီပမာဏဟာ မလုံ လောက်ဘူးလို့ သုံးသပ်ကြပါတယ်။
သမ္မတ ထရမ့်အနေနဲ့ ဈေးနှုန်းကျဆင်းစေဖို့ အမေရိကန်ရဲ့ မဟာဗျူဟာမြောက် အရန်ရေနံ (SPR) တွေကို ထုတ်သုံးဖို့ စီစဉ်နေသလို၊ အိန္ဒိယနိုင်ငံကိုလည်း ရုရှားရေနံတွေ ဝယ်ယူခွင့် ယာယီကင်းလွတ်ခွင့် ပေးထားပါတယ်။
Telegram»…
https://t.me/positiveanglenews
#PAN