(ကျန်းမာရေး) ဒီဇင်ဘာ ၁၂
ဒီနေ့ည ၈ နာရီမှာတော့ Novel Star Page ရဲ့ ကျန်းမာရေးကဏ္ဍကနေ အစာမကြေ၊ ရင်ပြည့်၊ ရင်ကယ် ဖြစ်တဲ့အခါမှာ စားသင့်တဲ့အစားအစာတွေအကြောင်းကို ပြောပြသွားမှာဖြစ်ပါတယ်။
ငှက်ပျောသီးဟာ အစာချေစနစ်ကို အထောက်အကူ ဖြစ်စေတာကြောင့် ကလေးငယ်တွေ အစာမကြေ ဖြစ်တဲ့အခါ ကျွေးနိုင်ပါတယ်။
အမျှင်ဓာတ်နဲ့ သကြားဓာတ်တွေ ပါဝင်တာကြောင့် ရေဓာတ်ဖြည့်တင်း ပေးရာမှာလည်း အကူအညီပေးတာကြောင့် ဗိုက်အောင့် အော့အန်တာတွေကို သက်သာစေပါတယ်။
ပူစီနံရွက်က အစာအိမ်နဲ့ အူတွင်းကြွက်သားတွေကို သန်မာစေပြီး အစာချေဖျက်စွမ်းရည်ကို မြှင့်တင် ပေးနိုင်ပါတယ်။ အစာမကြေ ရင်ပြည့်နေချိန်မှာ ပူစီနံရွက်ပါတဲ့ ဖျော်ရည်မျိုးကို သောက်သုံးနိုင်ပါတယ်။
သင်္ဘောသီးဟာ အစာချေဖျက်ရာမှာ အကူအညီပေးတဲ့ Papain ခေါ် အင်ဇိုင်းမ်တစ်မျိုး ပါဝင် တာကြောင့် အစာမကြေတဲ့ အခါမျိုးမှာ စားပေးနိုင်ပါတယ်။ ဂျင်းဖျော်ရည်ဟာလည်း အစာအိမ်နာတာတွေကို သက်သာစေပါတယ်။ အစာချေလမ်းကြောင်းကို ရှင်းလင်းပေးတာကြောင့် ချောမွေ့စေပြီး အော့အန်ခြင်းတွေကနေ သက်သာစေပါတယ်။
ကရဝေးအစေ့မှာပါဝင်တဲ့ အဆီဓာတ်တွေဟာ အစာချေစနစ်နဲ့ အစာချေလမ်းကြောင်းကို သက်တောင့်သက်သာ ရှိစေပါတယ်။