(ပြည်တွင်း) မတ်လ ၂၄
မန္တလေးတိုင်းဒေသကြီး ၊ ချမ်းအေးသာစံမြို့နယ်၊ ဟေမာဇလရပ်ကွက်၊ ၂၉×၃၀ လမ်းကြား၊ ၇၇ လမ်းရှိ မန္တလေးအထွေထွေရောဂါကုဆေးရုံကြီး သွေးလှုဘဏ်တွင် နှစ် (၈၀)ပြည့် တပ်မတော်နေ့အား ကြိုဆိုဂုဏ်ပြုသောအားဖြင့် YMBA အသင်းမှ ကြီးမှုး၍ စုပေါင်းသွေးလှုုဒါန်းပွဲ အခမ်းအနား ပြုလုပ်ခဲ့ကြောင်း သိရသည်။
ယမန်နေ့ နံနက် ၉ နာရီမှ မွန်းတည့် ၁၂ နာရီ ၃၀ မိနစ်အချိန်ထိကျင်းပခဲ့သည့် စုပေါင်းသွေးလှူပွဲသို့ တိုင်းဒေသကြီး YMBA အသင်းဥက္ကဋ္ဌ ဦးကြည်စိန်နှင့်အဖွဲ့ဝင်များ သွေးလှုရှင်များ၊ သွေးလှု ဘဏ်တာဝန်ခံ ရောဂါဗေဒဆရာဝန်ကြီး ပါမောက္ခ ဒေါက်တာနီလာဝင်း၊ အထူးကုဆရာဝန် ဒေါက်တာစုလှိုင်ဦးနှင့် ကျန်းမာရေးဝန်ထမ်းများ၊ စုစုပေါင်းအင်အား ၁၀၀ ဦးခန့် တက်ရောက်ခဲ့ကြကြောင်း သိရသည်။
အဆိုပါ စုပေါင်းသွေးလှုဒါန်းပွဲတွင် သွေးလှုရှင် ၇၃ ဦးမှ သွေးများလှုဒါန်းခဲ့ရာ ကျန်းမာရေးဝန်ထမ်းများမှ လိုအပ်သောကျန်းမာရေး စစ်ဆေးမှုများ ဆောင်ရွက်၍ သွေးဖောက်လက်ခံရယူခဲ့ပြီး သွေးလှုရှင်များကို အားဆေး၊ အာဟာရဖြည့်စွက်စာနှင့် အမှတ်တရလက်ဆောင်များ ပေးအပ်ခဲ့ကြောင်း သိရသည်။
Telegram»…
https://t.me/positiveanglenews