(ပြည်တွင်း) ဒီဇင်ဘာ ၂၉
၂၀၂၄ ခုနှစ်အတွက် မြန်မာ့ရုပ်ရှင်ထူးချွန်ဆု ချီးမြှင့်ပွဲအခမ်းအနားကို လာမည့် ၂၀၂၅ ခုနှစ် ဖေဖော်ဝါရီလ ၉ ရက်တွင် ကျင်းပပြုလုပ်သွားမည်ဖြစ်ကြောင်း သိရပါတယ်။
၂၀၂၄ ခုနှစ်အတွက်ကျင်းပပြုလုပ်မည့် မြန်မာ့ရုပ်ရှင်ထူးချွန်ဆုချီးမြှင့်ပွဲ၌ အကယ်ဒမီဆု ၁၅ ဆုကို ပေးအပ် ချီးမြှင့်သွားမည်ဖြစ်ကြောင်း ပြန်ကြားရေးဝန်ကြီးဌာန၊ ပြည်ထောင်စုဝန်ကြီး ဦးမောင်မောင်အုန်း က ဒီဇင်ဘာလ ၂၇ ရက်မှာ ကျင်းပပြုလုပ်ခဲ့တဲ့ မြန်မာ့ရုပ်ရှင်ထူးချွန်ဆုချီးမြှင့်ပွဲအခမ်းအနား အောင်မြင်စွာကျင်းပနိုင်ရေး လုပ်ငန်းညှိနှိုင်း အစည်းအဝေးတွင် ပြောကြားခဲ့တာဖြစ်ပါတယ်။
မြန်မာ့ရုပ်ရှင်ထူးချွန်ဆုရွေးချယ်ရေး အကဲဖြတ်အဖွဲ့အနေဖြင့်လည်း ဆုများကိုရွေးချယ်ရာတွင် စနစ်တကျ ရွေးချယ်ကာ ရသင့်ရထိုက်သူများ ရရှိစေရန် ဆောင်ရွက်ကြစေလို ကြောင်းလည်း ပြည်ထောင်စုဝန်ကြီးက ထည့်သွင်း ပြောကြားခဲ့ပါတယ်။
မြန်မာ့ရုပ်ရှင်ထူးချွန်ဆုရွေးချယ်ရာ၌လည်း ပြည်သူများ၏သဘောထားအမြင်ကို လေ့လာသုံးသပ်၍ သတ်မှတ် စည်းမျဉ်းစည်းကမ်းများနှင့်အညီ ရွေးချယ်ဆောင်ရွက် သင့်ကြောင်းကိုလည်း ပြောကြားခဲ့ပါတယ်။
Telegram»…
https://t.me/positiveanglenews