(မှုခင်း) ဒီဇင်ဘာ ၂၉
နေပြည်တော်၊ ဇမ္ဗူသီရိမြို့နယ်၊ ရွှေကြာပင်ရပ်ကွက်၊ မေယုလမ်းနှင့် စိန်ပန်းပြာလမ်းထောင့်ရှိ အိမ်အမှတ် (၁၀၇၇)တွင် ယမန်နေ့ည ၁၁ နာရီ ၅၀ မိနစ်အချိန်ခန့်က မီးလောင်မှုဖြစ်ပွားသဖြင့် မီးငြိမ်းသတ်ယာဥ်(၈)စီး၊ ရေသယ်ယာဥ် (၅)စီး၊ အုပ်ချုပ်မှုယာဥ် (၂)စီးဖြင့် ဝိုင်းဝန်းမီးငြိမ်းသတ်ခဲ့ရာ နံနက် ၁ နာရီဝန်းကျင်ခန့်တွင် မီးငြိမ်းသွားခဲ့ကြောင်း သိရသည်။
မီးလောင်မှုဖြစ်စဥ်မှာ မီးလောင်ကျွမ်းခဲ့သောအိမ်ပိုင်ရှင်မှာ မခိုင်ချမ်းမြင့်၊ ၃၂ နှစ်၊ (ဘ)ဦးအောင်စိန်(ခ)ရန်ရှန်ချမ်း၊ ဆံပင်ကျွတ်လုပ်ငန်း၊ မေယုလမ်းနေသူပိုင်ဆိုင်ပြီး၄င်းမှာ နေအိမ်တွင်မရှိဘဲ မန္တလေးမြို့သို့ခရီးသွားနေပြီး နေအိမ်တွင် ဆံပင်ကျွတ်လုပ်ငန်းလုပ်ကိုင်သူအလုပ်သမား မစုသဲ၊ ၂၄ နှစ်၊ (ဘ)ဦးတင်စိုး ပါ (၁၆)ဦးတို့ နေထိုင်လျက် ရှိကြောင်း၊ အိမ်အောက်ထပ်မှ မီးစတင်လောင်ကျွမ်းခဲ့ပြီး မီးစတင်လောင်ကျွမ်းရခြင်းအား စစ်ဆေးလျက်ရှိကြောင်း မီးသတ်ဌာနမှ သိရသည်။
အဆိုပါ မီးလောင်မှုကြောင့် ခြံဝင်းအတွင်းရှိ အဆောက်အဦး(၃)လုံးတို့ မီးလောင်ပျက်စီးခဲ့ပြီး လူ/တိရိစ္ဆာန် ထိခိုက်ဒဏ်ရာရရှိခြင်းမရှိကြောင်း သိရသည်။
Telegram»…
https://t.me/positiveanglenews