(မှုခင်း) ဒီဇင်ဘာ ၂၈
မန္တလေးတိုင်းဒေသကြီး ၊ ချမ်းအေးသာစံမြို့နယ်၊ ဟေမာဇလရပ်ကွက်အကွက်(၆၀၉)၊ ၇၇ လမ်း၊ ၂၆×၂၇ လမ်းကြားတွင် ယနေ့မွန်လွဲပိုင်းအချိန်က မီးလောင်မှုဖြစ်ပွားခဲကြောင်း သိရသည်။
ဟေမာဇလရပ်ကွက်အကွက်(၆၀၉)၊ ၇၇ လမ်း၊ ၂၆×၂၇ လမ်းကြား၊ အိမ်အမှတ်(၈၁)ရှိ “မခိုင်”စတိုးဆိုင် RC ၂ ထပ်တိုက် အပေါ်ထပ်ရှိ အိပ်ခန်းတွင် မီးလောင်မှုဖြစ်ပွားသဖြင့် မီးသတ်တပ်ဖွဲ့ဝင်များမှ သွားရောက်မီးငြှိမ်းသတ်ခဲ့ရာ မွန်းလွဲ ၂ နာရီ ၄၅ မိနစ်အချိန်ခန့်တွင် မီးငြိမ်းသွားခဲ့ကြောင်း သိရသည်။
မီးလောင်မှုဖြစ်စဉ်မှာ ဦးချစ်ညီညီ၊ ၅၃ နှစ်၊ (ဘ)ဦးကျော်မြင့်၊ “မခိုင်”စတိုးဆိုင် ပိုင်ဆိုင်သော RC ၂ ထပ်တိုက်အပေါ်ထပ်အိပ်ခန်းအတွင်းရှိ မွေ့ယာပေါ်တွင် မီးကြိုးခွေဖြင့် Power Bank နှင့် ဖုန်းအားသွင်းရာမှ အပူလွန်ကဲသောကြောင့်လောင်ကျွမ်းမှုဖြစ်ပွားခဲ့ကြောင်း သိရသည်။
အဆိုပါ မီးလောင်ကျွမ်းမှုကြောင့် အခန်းတွင်းရှိ သစ်သားကုတင်နှင့် မွေ့ယာ မီးလောင်ကျွမ်းခဲ့ပြီး မီးလောင်မှုကြောင့် ဆုံးရှုံးမှုတန်ဖိုး ၁ သိန်းကျပ်ခန့် ဆုံးရှုံးခဲ့ကြောင်း၊ နေအိမ်ပိုင်ရှင် ဦးချစ်ညီညီ အား အမှုဖွင့်အရေးယူထားကြောင်း သိရသည်။
Telegram»…
https://t.me/positiveanglenews