(ကျန်းမာရေးကဏ္ဍ)စက်တင်ဘာ ၂၃
ဒီနေ့ ကျန်းမာရေးကဏ္ဍကနေ ကြက်သွန်ဖြူမစားသင့်တဲ့ အချိန်များ အကြောင်းကို ဖော်ပြသွားမှာ ဖြစ်ပါတယ်။
သင်ဟာ ဝေဒနာတစ်ခုခုကြောင့် ဆေးဝါးတစ်မျိုးမျိုး မှီဝဲနေရသူဖြစ်ရင် ကြက်သွန်ဖြူကိုမစားခင် ဆရာဝန်နဲ့ တိုင်ပင်သင့်ပါတယ်။ ကြက်သွန် ဖြူဟာ ဆေးဝါးတစ်မျိုးမျိုးရဲ့ အာနိသင်ကို မြှင့်တင်နိုင်စွမ်းရှိပါတယ်။ ဒါဟာ ကောင်းကျိုးထက်ဆိုးကျိုးကို ပိုဖြစ်စေပါတယ်။
နောက်ပြီးတော့ ဆေးပညာရပ်ဆိုင်ရာ ကျွမ်းကျင်ပညာရှင်တွေရဲ့ အဆိုအရ အသည်းနဲ့ဆိုင်တဲ့ရောဂါ တစ်ခုခုရှိနေသူဆိုရင် ကြက်သွန် ဖြူ မစားသင့်ပါဘူး။ ဆေးဝါးတွေရဲ့ အာနိသင်ကို လျှော့နည်းစေပါတယ်။
ကြက်သွန်ဖြူကို အစိမ်းလိုက်စားတာဟာ သွေးတိုးကျစေလို့ သွေးဖိအားနည်းတတ်သူတွေအတွက် ကြက် သွန်ဖြူကို အစိမ်းလိုက်မစားသင့်ပါဘူး။ ဒါ့အပြင် အစာအိမ်နာတာတို့ အစာမကျေတာတို့ ဖြစ်တတ်ရင် ကြက်သွန်ဖြူအစိမ်းကို အများကြီးမစားသင့်ပါဘူး။
ကိုယ်ဝန်ဆောင်စဉ်မှာ ကြက်သွန်ဖြူ အစိမ်းလိုက် စားသုံးတာကို ရှောင်ကျဉ်သင့်ပါတယ်။ ကြက်သွန်ဖြူကို အများကြီးမဟုတ်ပဲ အနေတော်စားသုံးတာဟာ နို့တိုက်ကျွေးချိန်နဲ့ ကိုယ်ဝန် ဆောင်စဉ်မှာ လုံခြုံစိတ်ချရတယ်လို့ ပြောဆိုကြပေမယ့် အဲဒီအချိန်မှာ ကြက်သွန် ဖြူကို စားသုံးဖို့ ဆေးပညာရပ်ဆိုင်ရာ ကျွမ်းကျင်သူတွေက ထောက်ခံမပေးကြပါဘူး။
#PAN