(အားကစား) မေ ၁၅
ဟဲဗီးဝိတ်တန်း ကမ္ဘာ့ချန်ပီယံဟောင်း မိုက်တိုင်ဆန်က ပြိုင်ဘက်ဖြစ်တဲ့ ဂျိတ်ခ်ပေါလ်ကို သေချာပြင်ဆင်ထားဖို့ သတိပေးလိုက်ပါတယ်။
မိုက်တိုင်ဆန်နဲ့ ဂျိတ်ခ်ပေါလ်တို့ဟာ လာမယ့် ဇူလိုင်လ ၂၀ ရက်မှာ စိန်ခေါ်ပွဲထိုးသတ်မှာဖြစ်ပြီး အခုပွဲဟာ မိုက်တိုင်ဆန်အတွက်တော့ ၂၀၀၅ ခုနှစ်နောက်ပိုင်း ပထမဆုံးအကြိမ် ပြန်လည်ထိုးသတ်မယ့်ပွဲ ဖြစ်လာကြောင်း သိရပါတယ်။
နယူးယော့ခ်မှာ ပြုလုပ်ခဲ့တဲ့ ပွဲကြို သတင်းစာရှင်းလင်း ပွဲမှာ အသက် ၅၇ နှစ်ရှိပြီဖြစ်တဲ့ တိုင်ဆန်က သူဟာ ကမ္ဘာ့ ချန်ပီယံဟောင်းတစ်ယောက် ဖြစ်နေဆဲဆိုတာကို သက်သေပြသွားမယ်လို့ ပြောသွားခဲ့ပါတယ်။
အသက် ၂၇ နှစ် အရွယ် ဂျိတ်ခ်ပေါလ်ကတော့ အရင်က Youtuber တစ်ဦးဖြစ်ပေမယ့် နောက်ပိုင်းမှာ လက်ဝှေ့လောကထဲကို ဝင်ရောက်လာခဲ့တာဖြစ်ပြီး ထိုးသတ်ခဲ့တဲ့ ၁၀ ပွဲမှာ ၉ ပွဲအထိ အနိုင်ရထားခဲ့တာ ဖြစ်ပါတယ်။
ဂျိတ်ခ်ပေါလ်ကတော့ လာမယ့်စိန်ခေါ်ပွဲမှာ မိုက်တိုင်ဆန်ကို ယှဉ်ပြိုင် ထိုးသတ်နိုင်ဖို့ အကောင်းဆုံး ပြင်ဆင်သွားမှာဖြစ်ပြီး အနိုင်ရဖို့ကတော့ အခွင့်အရေး ကိုယ်စီရှိကြပါတယ်လို့ သုံးသပ်သွားခဲ့ပါတယ်။