(ပြည်တွင်း) ဧပြီ ၃
မွန်ပြည်နယ် မုဒုံမြို့နယ်ရှိ ကျေးရွာများနှင့် မြို့အနီးအနားဝန်းကျင်တွင် မြေအောက်ရေစနစ်ဖြင့် တစ်ပိုင်တစ်နိုင် နွေစံပယ်များကို စိုက်ပျိုးကြရာ အောင်မြင်ဖြစ်ထွန်းပြီး တောင်သူများ အဆင်ပြေလျက်ရှိကြောင်း သိရသည်။
စံပယ်ပင်များကို ပျိုးပင်များနှင့် ကိုင်းဖြတ်ကိုင်းကူးနည်းစနစ်များဖြင့် မိုးဦးကျကာလ ဇွန်နှင့်ဇူလိုင်လတို့၌ စိုက်ပျိုးရန်အကောင်းဆုံးအချိန်ဖြစ်ပြီး မိုးနှောင်းကာလ စက်တင်ဘာနှင့်အောက်တိုဘာလမှစ၍ ပန်းအငုံများစတင်ထွက်ရှိကာ သဘာဝမြေသြဇာကျွေးခြင်းနှင့် ပေါင်းသင်မြေဆွပေးခြင်း တို့ကို စနစ်တကျဆောင်ရွက်ပါက အပွင့်များလှိုင်လှိုင်ထွက်ရှိကြောင်း သိရသည်။
စံပယ်ပင် အပင် (၁၀၀)ကို စိုက်ပျိုးကုန်ကျစရိတ် (၁၅၀၀၀၀) ဝန်းကျင်ရှိ၍ တစ်နှစ်လျှင် ဝင်ငွေ ( ၃၀၀၀၀၀)ကျော်ရရှိရာ နှစ်စဥ်ပန်းများကို ခူးယူရောင်းချရကြောင်း စံပယ်ပန်းစိုက်ပျိုးတောင်သူ ဦးထွန်းဝင်းက ပြောသည်။
စံပယ်ပန်းစိုက်ပျိုးရေးလုပ်ငန်းကို မိသားစု တစ်နိုင်တစ်ပိုင် အပိုဝင်ငွေရရှိရေးအတွက် ဒေသခံ ပြည်သူများက အိမ်ခြံဝင်းများ၊ မြေကွက်လပ်နေရာများတွင် စိုက်ပျိုးကြပြီး ဥယျာဥ်ခြံများဖြင့်လည်း စနစ်တကျတွင်ကျယ်စွာ စိုက်ပျိုးရောင်းချသူများလည်းရှိကြောင်း သိရသည်။
#PAN
Telegram link
https://t.me/positiveanglenews
