မတ် ၂၄
မတ်လ ၂၂ ရက်နေ့က ရုရှားနိုင်ငံ မော်စကိုမြို့ရှိ City Hall တစ်ခုအတွင်းပစ်ခတ်မှုကြောင့် လူအမြောက်အမြားသေဆုံးမှုအား မြန်မာနိုင်ငံ နိုင်ငံခြားရေးဝန်ကြီးဌာနက ရှုတ်ချကြောင်း ထုတ်ပြန်ထားသည်။
နိုင်ံခြားရေးဝန်ကြီးဌာန၏ ရှုတ်ချကြောင်း ထုတ်ပြန်ချက်တွင် ၂၀၂၄ ခုနှစ်၊ မတ်လ ၂၂ ရက်တွင် မော်စကိုမြို့၏ အနောက်မြောက်ဘက်ရှိ Krasnogorsk အရပ်ရှိCrocus City Hall ၌ အကြမ်းဖက်တိုက်ခိုက်ပစ်ခတ်ခံရမှုဖြစ်စဉ်နှင့်ပတ်သက်၍ မြောက်မြားလှစွာသောအပြစ်မဲ့ပြည်သူများ သေဆုံး၊ ထိခိုက်ရသည့်အပေါ်ပြည်ထောင်စုသမ္မတ မြန်မာနိုင်ငံအနေဖြင့် ပြင်းထန်စွာရှုတ်ချကြောင်းဖော်ပြထားသည်။
မည်သည့်ပုံစံမျိုးစုံနှင့်မဆို ကျူးလွန်လျက်ရှိသည့် အကြမ်းဖက်ဝါဒီနှင့် အစွန်းရောက်အကြမ်းဖက်မှုများကို မြန်မာနိုင်ငံသည် အစဉ်တစိုက် ရှုတ်ချလျက်ရှိပါသည်။ အကြမ်းဖက်ဝါဒီသည်နိုင်ငံတကာအကြမ်းဖက်မှုလုပ်ရပ်ဖြစ်ပြီး ကမ္ဘာ့နိုင်ငံများ၏ လုံခြုံရေးနှင့် တည်ငြိမ်ရေးကို ထိပါးလျက်ရှိပါသည်။
မြန်မာနိုင်ငံအနေဖြင့် ရုရှားအစိုးရ၊ ပြည်သူများနှင့် အကြမ်းဖက်ဒဏ်ခံရသည့် ကျန်ရစ်ခဲ့သောမိသားစုများနှင့်အတူ ဝမ်းနည်းကြောင်းဖော်ပြအပ်ပါသည်ဟုလည်း နိုင်ငံခြားရေးဝန်ကြီးဌာန၏ ထုတ်ပြန်ချက်တွင်ပါရှိသည်။
#PAN