မတ် ၃

မတ်လ ၁ ရက်နေ့ ည ၁၀ နာရီ ၃၀ မိနစ် အချိန်ခန့်တွင် ကချင်ပြည်နယ်၊ ဖားကန့်မြို့နယ်၊ ဆိပ်မူမှ ဖားကန့်ဘက်သို့ မောင်းနှင်လာသော Lancrusier (white – 24 Valve) (9D-1293) ယာဉ်သည် ဖားကန့်မြို့နယ်၊ ဆိပ်မူရပ်ကွက်(၃)ရှိ ခိုင်ကြည်စင်စက်သုံးဆီပန့်ဆီဆိုင်အနီးရှိ ဆိပ်မူရှိကွန်ကရစ်တိုင်များကို ဝင်တိုက်မှုဖြစ်ပေါ်ခဲ့ကြောင်း သိရှိရသည်။

အဆိုပါ ဝင်တိုက်မှုကြောင့် Feeder 11 kV Line (10) Meter ကွန်ကရစ်တိုင် ၂ လုံးနှင့် အခြားဓာတ်အားလိုင်းပစ္စည်းအချို့ ပျက်ဆီးဆုံးရှုံးမှုများ ဖြစ်ပေါ် ခဲ့ကြောင်းသိရှိရသည်။

အဆိုပါ ယာဉ်တိုက်မှုကျူးလွန်သူသည် ယာဉ်နှင့်အတူ ထွက်ပြေးတိမ်းရှောင်‌နေကြောင်း သိရပြီး ဒေသခံများများက ၎င်းယာဉ်‌မောင်နှင့် ယာဥ်ပိုင်ရှင်တို့သည် မိမိ၏လုပ်ရပ်အပေါ် တာဝန်သိ/တာဝန်ယူမှုဖြင့် ဖားကန့်မြို့နယ် လျှပ်စစ်ရုံးသို့ လာရောက်ဆွက်သွယ်ပေးရန် နေရာအနှံ့ အသိပေးအကြောင်းကြား စာများပေးပို့ထားကြောင်း သိရှိပါသည်။