ဖေဖော်ဝါရီ ၂၂
ရလဒ်တွေ ဆိုးရွားနေတဲ့ ဂျာမန်ထိပ်သီး ဘိုင်ယန်မြူးနစ်အသင်းဟာ ယခုရာသီကုန်တွင် နည်းပြ တူချယ်လ်နှင့် လမ်းခွဲတော့မည်ဖြစ်ကြောင်း အတည်ပြုကြေညာခဲ့ပါတယ်။
တူချယ်လ်၏စာချုပ်မှာ ၂၀၂၅ ခုနှစ် ဇွန်လ ၃၀ ရက်အထိ သက်တမ်းရှိသော်လည်း နှစ်ဦးနှစ်ဖက် ဆွေးနွေးပြီးနောက် နွေရာသီတွင် လမ်းခွဲရန် သဘောတူခဲ့ခြင်းဖြစ်ပါတယ်။
ပြီးခဲ့တဲ့ရက်သတ္တပတ်က နည်းပြ တူချယ်လ်ရဲ့ ဘိုင်ယန်မြူးနစ်အသင်းဟာ လေဗာကူဆင်ကို ၃-၀ ဂိုး၊ ချန်ပီယံလိဂ်မှာ လာဇီယိုကို ၁-၀ ဂိုး၊ တနင်္ဂနွေနေ့က ဘိုချမ်ကို ၃-၂ ဂိုးတွေနဲ့ ဆက်တိုက်ရှုံးနေခဲ့ပါတယ်။
ဒီလို စိတ်ပျက်စရာ ရလဒ်ဆိုးတွေကြောင့် ဘိုင်ယန်မြူးနစ်အသင်းက နည်းပြတူချယ်လ်နဲ့လမ်းခွဲဖို့ ဆုံးဖြတ်လိုက်တာလည်းဖြစ်ပါတယ်။