ဖေဖော်ဝါရီ ၂
ယမန်နေ့ နံနက် ၆ နာရီအချိန်ခန့်တွင် စစ်ကိုင်းတိုင်းဒေသကြီး၊ ပုလဲမြို့နယ်၊ ဇီးဖြူကုန်းကျေးရွာရှိ ပြည်သူ့စစ်အထိုင်စခန်းကို အကြမ်းဖက် PDF အဖွဲ့မှ သာလွန်အင်အားအသုံပြုပြီး ကျေးရွာ အ.လ.က စာသင်ကျောင်း၏တောင်ဘက်နှင့်မြောက်ဘက်မှ လက်နက်ကြီး၊ ငယ်များဖြင့်ပစ်ခတ်ခဲ့ရာ အပြန်အလှန်ပစ်ခတ်မူဖြစ်ပွားခဲ့ပြီး တပ်မတော်မှ လေကြောင်းပစ်ကူဖြင့်ပစ်ခတ်ခဲ့ရာ အကြမ်းဖက် PDF များ အထိနာပြီး သေဆုံးဒဏ်ရာ ရသူများကို ဆွဲယူကာဆုတ်ခွာထွက်ပြေးသွားကြကြောင်း သိရှိရသည်။
အဆိုပါ အကြမ်းဖက်အဖွဲ့များ ဆုတ်ခွာထွက်ပြေးသွားကြပြီး မြကုန်းကျေးရွာတွင် အကြမ်းဖက်များဆက်လက်ခိုအောင်းနေကြောင်း သတင်းအရ တပ်မတော် ဂျက်ဖိုက်တာယာဉ်ဖြင့် ဆက်လက်ပစ်ခတ်ရှင်းလင်းရာ သေဆုံးဒဏ်ရာရသူအများအပြားရှိကြောင်း သိရှိရပါသည်။
အဆိုပါနေ့ မွန်းလွဲ ၂ နာရီ ၃၀ မိနစ်အချိန်ခန့်တွင် အကြမ်းဖက် PDF အဖွဲ့များသည် ဒဏ်ရာရသူများကို နွယ်အင်းဆည်ဘောင်ပေါ်ရှိ ရှင်းလင်းဆောင်၊ နွယ်အင်းရွာမြောက်ဘက် ပျော်ဘွယ်ကျင်း(မြောက်)ရွာနှင့် ဇီးဖြူကုန်းကျေးရွာတောင်ဘက် သရက်ကျေးရွာတို့တွင် အကြမ်းဖက် PDF အဖွဲ့များရောက်ရှိနေကြောင်း ဆက်လက်သတင်းရရှိ၍ တပ်မတော်မှ ဂျက်ဖိုက်တာဖြင့် ဆက်လက်ပစ်ခတ်ရှင်းလင်းရာ သေဆုံးဒဏ်ရာရရှိသူများစွာရှိကြောင်း ကြားသိရပြီး သေဆုံးသူအရေအတွက်စာရင်းကို အတိအကျမရရှိပါကြောင်းနှင့် PDF မိသားစုဆွေမျိုး၏ ငိုးကြွေးသံများအရ အမြောက်အများ သေဆုံနိုင်ကြောင်းသိရသလို ၎င်းနယ်မြေ အကြမ်းဖက်ခေါင်းဆောင်ဖြစ်သူ နဂါးကလည်း ၎င်း၏ Page တွင် အဖွဲ့ဝင်များကျဆုံးမှုရှိ၍ ဝမ်းနည်းစိတ်မကောင်းဖြစ်ရပါကြောင်း ဖော်ပြလာသည်ကို တွေ့ရှိရပြီး ဒဏ်ရာရသူများကို ဖလန်ပင်ကျေးရွာဆေးပေးခန်းတွင် ဆေးကုသပေးနေကြောင်း သိရှိရသည်။
#PAN