ဇန်နဝါရီ ၂၆
စစ်ကိုင်းတိုင်းဒေသကြီး၊ မြင်းမူမြို့နယ်၊ ထီးဆောင်းစစ်ဆေးရေးဂိတ်တွင် လုံခြုံရေးတပ်ဖွဲ့ဝင်များ လုံခြုံရေးဆောင်ရွက်နေစဉ် တာဝန်သိပြည်သူများ၏ ပေးပို့သော လျှို့ဝှက်သတင်းအရ မော်တော်ယာဥ်များကို စစ်ဆေးရှာဖွေစဥ် အကြမ်းဖက် PDF များထံသို့ ပေးပို့ရန် အတွက် သယ်ဆောင်လာသော Drone နှင့် ပတ်သက်သည့် ဆက်စပ်ပစ္စည်းများကို ယမန်နေ့ မွန်းလွှဲပိုင်းက ဖမ်းဆီးရမိခဲ့သည်ဟု သိရပါသည်။
ယမန်နေ့ မွန်းလွဲ ၂ နာရီအချိန်ခန့်တွင် မြင်းမူမြို့ နယ်၊ ထီးဆောင်းစစ်ဆေးရေးဂိတ်တွင် လုံခြုံ ရေးတပ်ဖွဲ့ဝင်များက မန္တလေးမြို့မှ မုံရွာမြို့ဘက်သို့ ယာဉ်မောင်း ဦးဝင်းနိုင်၊ ၄၃ နှစ်၊ (ဘ)ဦးခင်မောင်အေး၊ မြို့သစ်ရပ်ကွက်၊ မုံရွာမြို့နေသူ မောင်းနှင် ပြီး ယာဉ်နောက်လိုက် မင်းခန့်မောင် ၂၅ နှစ်၊ (ဘ)ဦးထွန်းအေး၊ နန္ဒဝန်ရပ်ကွက်၊ မုံရွာမြို့နေသူတို့လိုက်ပါလာသည့် မုံရွာ – မန္တလေး (မဟာနွယ်)ယာဉ်လိုင်းမှ ယာဉ်အမှတ်၊ 7L-4000 Express ဖြူ/ပြာရောင် (ခရီးသည်မပါ) ခရီး သည်တင်ယာဉ်အား သတင်းအရ ရှာဖွေစစ်ဆေးခဲ့ခြင်း ဖြစ်သည်။
ထိုသို့ ရှာဖွေရာမှ အကြမ်းဖက် PDF များ အသုံးပြုမည့် RADIOMASTER(Drone Control) ၃ ခု၊ Dube (ဆက်စပ်ပစ္စည်း) ၃ စုံ၊ AGFRC SERVO ၁၀ ခု၊ ပန်ကာဒလက်(HW) ၂၃ ခု၊ GPS ၆ခု၊ UBEC ၄ ခု၊ PS 5-3 +Pwr-1 ၃ ခု၊ ဒလက်မော်တာ(X-8)KV100 KB CCW RTF ၁၈ ခု၊ ပိုက်ဆက်(18 Pcs) ၁၈ ခု၊Transmiher + Reciver(B) ၃ ခု၊ ဒရုန်းဒလက်တိုင်(အတို) ၁၈ ချောင်း၊ ဒရုန်းဒလက်တိုင် (အရှည်) ၁၈ ချောင်း၊ ဒရုန်းဓာတ် ခဲ(18650) ၁၀ လုံး၊ DC-DC Power ၆ ခု၊ နတ်တိုင် (အရှည်) ၅၅ ခု၊ 12V ဘက္ထရီ ၁ လုံးတို့ကို သိမ်းဆည်းရရှိခဲကြောင်း သတင်းရရှိပါသည်။
#PAN