ဇန်နဝါရီ ၂၂
၂၀၂၄ ခုနှစ်အတွက် အသင်းဝင်ကတ်များ ထုတ်ပေးမှာဖြစ်ပြီး အသင်းဝင်ကတ်ရှိမှသာလျှင် ရွှေအတုံးအခဲ ရောင်းချရန် ခွင့်ပြုမှာ ဖြစ်တယ်လို YGEA က အသိပေးထုတ်ပြန်ထားပါတယ်။
အဆိုပါ အသင်းဝင်ကတ်မှာ ရွှေအတုံးအခဲ ရောင်းချတဲ့ အရောင်းအဝယ် ခွင့်ပြုချက်လိုင်စင်ပါရှိမှာဖြစ်ပြီး ၂၀၂၄ ခုနှစ် အတွက် နှစ်စဥ်ကြေးပေးသွင်းရမှာဖြစ်တယ်လို့ သိရပါတယ်။ ဒါ့အပြင် ရွှေအတုံး၊ အခဲ အရောင်း/အဝယ် လိုင်စင်ရှိမှသာ ရောင်းခြင်းဝယ်ခြင်းကို ခွင့်ပြုမှာဖြစ်ပြီး ရွှေနှင့် ကျပ်ငွေ သယ်ယူခွင့် ထောက်ခံချက် လက်မှတ်များကို သက်တမ်းတိုး ပြုလုပ်ရန် အသိပေးထားပါတယ်။
၂ဝ၂၃ ခုနှစ် ဇန်နဝါရီလမှစတင်ကာ တစ်နိုင်ငံလုံးအတိုင်းအတာနဲ့ ရွှေဆိုင်များအားလုံး အထွေထွေအုပ်ချုပ်ရေးမှူးရုံး များတွင် ရွှေနှင့် သတ္တုလိုင်စင် မဖြစ်မနေ လျှောက်ထားရန် ရန်ကုန်တိုင်းဒေသကြီး ရွှေလုပ်ငန်းရှင်များအသင်း(YGEA)က ဇန်နဝါရီလ ၁၈ ရက်မှာ ထုတ်ပြန်အသိပေးထားခြင်း ဖြစ်ပါတယ်။