ဇန်နဝါရီ ၂၀
မြောက်ကိုရီးယားသည် ရေတပ်သင်္ဘောများနှင့် ဆိပ်ကမ်းများကို ဖျက်ဆီးရန် ဒီဇိုင်းထုတ်ထားသည့် နျူကလီးယားသုံး ရေအောက်တိုက်ခိုက်ရေးဒရုန်းကို စမ်းသပ်ခဲ့ကြောင်း သောကြာနေ့က ပြောကြားခဲ့သည်။
ဗုဒ္ဓဟူးနေ့တွင် ပြီးဆုံးခဲ့သည့် အမေရိကန်၊ တောင်ကိုရီးယားနှင့် ဂျပန်တို့၏ ရေတပ်လေ့ကျင့်မှုကို တုံ့ပြန်သည့်အနေဖြင့် နိုင်ငံ၏ အရှေ့ဘက်ရေပြင်တွင် စမ်း သပ်မှု ပြုလုပ်ခဲ့ကြောင်း မြောက်ကိုရီးယားစစ်တပ်က ပြောကြားခဲ့သည်။ ရေအောက်ဒရုန်းသည် မြောက်ကိုရီးယားအာဏာရှင် Kim Jong Un သည် ၎င်း၏ နျူက လီးယားလက်နက်များကို တိုးချဲ့လုပ်ဆောင်နေချိန်တွင် ကျယ်ပြန့်သောလက်နက်စနစ်များထဲမှ တစ်ခုဖြစ်သည်။
“ကျွန်ုပ်တို့ စစ်တပ်၏ ရေအောက် နျူကလီးယားအခြေခံ တန်ပြန်အနေအထားကို ထပ်မံ အပြီးသတ်လိုက်ပြီး ၎င်း၏ ရေကြောင်းနှင့် ရေအောက်တုံ့ပြန်ရေး လုပ်ဆောင်ချက် အမျိုးမျိုးသည် အမေရိကန်နှင့် ၎င်း၏ မဟာမိတ်ရေတပ်များ၏ ရန်လိုသော စစ်ရေးလေ့ကျင့်မှုများကို ဆက်လက်ဟန့်တားသွားမည်” ဟု မြောက်ကိုရီးယား ကာကွယ်ရေးဝန်ကြီးဌာနက ထုတ်ပြန်ချက်တွင် ဖော်ပြထားသည်။
“အမေရိကန်နှင့် ၎င်း၏နောက်လိုက်များသည် ယခုနှစ်အစပိုင်းမှစပြီး (မြောက်ကိုရီးယား) လုံခြုံရေးကို ပြင်းထန်စွာ ခြိမ်းခြောက်သည့် လုပ်ရပ်များအတွက် ကျွန်ုပ်တို့ ပြင်းပြင်းထန်ထန် ရှုံ့ချပြီး ၎င်းတို့အနေဖြင့် ကြုံတွေ့ရမည့် ကပ်ဘေးဆိုးကျိုးများကို ပြင်းပြင်း ထန်ထန် သတိပေးထားသည်။” အဆိုပါထုတ်ပြန်ချက်တွင် ထည့်သွင်းဖော်ပြထားသည်။
မြောက်ကိုရီးယားသည် မည်သည့်အချိန်တွင် စမ်း သပ်မှုပြုလုပ်ခဲ့သည်ကိုမူ မဖော်ပြထားပေ။ ၎င်းသည် ယမန်နှစ်တွင် ဒရုန်းကို ပထမဆုံး စမ်း သပ်ခဲ့သည်။
မြောက်ကိုရီးယား က တောင်ကိုရီးယားနှင့် ငြိမ်း ချမ်းစွာ ပြန်လည်ပေါင်းစည်းရေး သဘော ထားကို ဖျက်သိမ်းပစ်မည်ဟု ကြေညာပြီးနောက် ရက်ပိုင်းအတွင်း ဒရုန်းစမ်းသပ်မှုနှင့်အတူ ကိုရီးယားကျွန်း ဆွယ်တွင် တင်းမာမှုများ မြင့်တက်လာခဲ့သည်။
မြောက်ကိုရီးယားခေါင်းဆောင် ကင် က တောင်ကိုရီးယားသည် ၎င်း၏ အမုန်းဆုံးနိုင်ငံခြားရန်ဘက်အဖြစ် သတ် မှတ်ရန် ၎င်း၏နိုင်ငံဖွဲ့စည်းပုံအခြေခံဥပဒေကို ပြန်လည်ရေးသားမည်ဖြစ်ကြောင်း ပြောကြားခဲ့သည်။
မြောက်ကိုရီးယားသည် ၎င်း၏ ၂၀၂၄ ခုနှစ် ၏ ပထမဆုံး ပဲ့ထိန်းဒုံးကျည် စမ်းသပ်မှုကို တနင်္ဂနွေနေ့တွင် ပြုလုပ်ခဲ့သည်။ ၎င်းကို ဂူအမ်နှင့် ဂျပန်ရှိ အမေရိကန်စစ်အခြေစိုက်စခန်းများကို တိုက်ခိုက်နိုင်စွမ်းရှိသည့် အသံထက်မြန်သော ထိပ်ဖူးတပ်ထားသော လောင်စာဆီတောင့်သုံး တာလတ်ပစ် ဒုံးကျည်အသစ်တစ်ခုဟု ဖော်ပြခဲ့သည်။
တောင်ကိုရီးယား ကာကွယ်ရေးဝန်ကြီးဌာနသည် ဒရုန်းများ၏ စွမ်းဆောင်ရည်ကို ငြင်းခုံခဲ့ပြီး မြောက်ကိုရီးယား၏ မကြာသေးမီက စမ်း သပ်မှုများသည် ကုလသမဂ္ဂ လုံခြုံရေးကောင်စီ ၏ ဆုံးဖြတ်ချက်များကို ချိုးဖောက်ခြင်းဖြစ်သည်ဟု ရှုတ်ချထားသည်။
မြောက်ကိုရီးယားခေါင်းဆောင် ကင် ၏ နျူကလီး ယားရည်မှန်းချက်များသည် ကိုရီးယားကျွန်းဆွယ်နှင့်ကမ္ဘာ့ငြိမ်းချမ်းရေးအတွက် ခြိမ်း ခြောက်မှုဖြစ် ကြောင်း တောင်ကိုရီးယားက ပြောကြားခဲ့သည်။ ဖြစ်နိုင်ခြေရှိသော မြောက်ကိုရီးယား၏ ရန်စမှုများကို ဆန့်ကျင်သည့်အနေဖြင့် အမေရိကန်နှင့် တောင်ကိုရီးယားစစ်တပ်များ အခိုင် အမာ ဆက်လက်ထားရှိသွားမည်ဟုလည်း ၎င်းက ပြောကြားခဲ့သည်ဟု Fox News သတင်းတွင် ဖော်ပြထားသည်။
#PAN