![](https://positiveanglenews.com/storage/2023/12/IMG_20231216_150709_260-1024x768.jpg)
ဒီဇင်ဘာ ၁၆
၂၀၂၂ ကမ္ဘာ့ဖလားကာလအတွင်း မက်ဆီ ဝတ်ဆင်ကစားခဲ့တဲ့ အာဂျင်တီးနားအသင်းဝတ်စုံ ၆ ထည်ကို နယူးယောက်မြို့မှာ လေလံတင်ရောင်းချခဲ့ပြီး ပေါင် ၆ ဒသမ ၁ သန်းရရှိခဲ့ပါတယ်။
မက်ဆီ က အာဂျင်တီးနားအသင်းအတွက် ၂၀၂၂ ကမ္ဘာ့ဖလားမှာ ၇ ပွဲကစားခဲ့ပေမယ့် သြစတြေးလျနဲ့ပွဲမှာ တစ်ဖက်အသင်း ကစားသမားနဲ့ အင်္ကျီချင်းလဲခဲ့လို့ ၆ ထည်သာ လေလံတင်နိုင်ခဲ့တာ ဖြစ်ပါတယ်။ အဆိုပါ ကမ္ဘာ့ဖလား အောင်ပွဲကြောင့် မက်ဆီ အနေနဲ့ Ballon d’or ဆုကို စံချိန်တင်အဖြစ် (၈)ကြိမ်မြောက် ရရှိခဲ့ပါတယ်။
ဘောလုံးသမိုင်းတစ်လျှောက် တန်ဖိုးအမြင့်မားဆုံး လေလံအောင်ခဲ့တာကတော့ ၁၉၈၆ ကမ္ဘာ့ဖလားတုန်းက အာဂျင်တီးနားအသင်းရဲ့ ဂန္ထဝင်ကစားသမား မာရာဒိုနာ လက်နဲ့ပုတ်ပြီးသွင်းယူခဲ့တဲ့ အင်္ဂလန်အသင်းနဲ့ပွဲမှာ ဝတ်ဆင်ခဲ့တဲ့ ဝတ်စုံဖြစ်ပြီး ပေါင် ၇ ဒသမ ၁ သန်းအထိ ရရှိခဲ့ပါတယ်။
#PAN