စင်ကာပူနိုင်ငံရောက် မြန်မာနိုင်ငံသားများ ဝင်ငွေခွန်ပေးဆောင်ရန် သံရုံးက အသိပေးထား

ဒီဇင်ဘာ ၁၂

      စင်ကာပူနိုင်ငံမှာ ရောက်ရှိနေသည့် မြန်မာ နိုင်ငံ သားများအနေနှင့် ၂၀၂၃ ခုနှစ်၊ ဒီဇင်ဘာလ ၁၂ ရက်မှ စတင်ပြီး ဝင်ငွေခွန်များပေးဆောင်ရမည်ဖြစ်သည်ဟု စင်ကာပူမြို့ရှိ မြန်မာသံရုံးက ဒီဇင်ဘာလ ၁၂ ရက်တွင် ထုတ်ပြန်ထားပါသည်။

       စီမံကိန်းနှင့် ဘဏ္ဍာရေးဝန်ကြီးဌာနမှ နိုဝင်ဘာလ ၂၂ ရက်စွဲပါ အမိန့်ကြော်ငြာစာအမှတ် ၇၉/၂၀၂၃ ကြေညာချက် အရ ပြည်ပနေ မြန်မာ နိုင်ငံသားများ၏ ပြည်ပမှာရရှိသည့် လစာဝင်ငွေအပေါ် ၂၀၂၃ ခုနှစ်၊ အောက်တိုဘာလ ၁ ရက်မှ စတင်ပြီး ဝင်ငွေခွန်များပေးဆောင်ကြရမည်ဖြစ်ကြောင်း ထုတ်ပြန်ထားသည်။

     ၂၀၂၃ ခုနှစ်၊ အောက်တိုဘာလမှ လာရောက်ဆောင်ရွက်သည့် ကာလအထိ ဝင်ငွေခွန်ပေးဆောင်ပြီးမှသာ မြန်မာသံရုံး၊ စင်ကာပူမြို့တွင် နိုင်ငံကူးလက် မှတ်သက်တမ်းတိုးမြှင့်ခြင်းနှင့် ကောင်စစ်ဆိုင်ရာ ကိစ္စရပ်များ ဆောင်ရွက် သွားမည် ဖြစ်သည်ဟု သိရပါ သည်။

      ထို့ပြင် အခွန်များကောက်ခံမည့် လစဉ်နှုန်း ထားများကို နေထိုင်ခွင့် အမျိုးအစားများပေါ်မူတည်ပြီး သတ်မှတ် နှုန်းထားအပေါ် ၂ ရာခိုင် နှုန်း အခွန်ပေးဆောင်ရမှာဖြစ်သည်ဟု ဖော်ပြထားပါသည်။ သို့သော် Student pass ကိုင်ဆောင်ထားသူများအနေနှင့် လက် ရှိကျောင်းတက်ရောက်နေသည့် ကျောင်းထောက်ခံစာများတင်ပြလျက် ဝင်ငွေခွန် ပေးဆောင်ခြင်း ကင်း လွတ်ခွင့်ရရှိမည် ဖြစ်ပါသည်။

      အလားတူ အခွန်ထမ်းဆောင်သူများ၏ ဇနီး/ခင်ပွန်း(သို့မဟုတ်) မိဘ(သို့မဟုတ်) သား/သမီးများကို အိမ်ထောင်စု စာရင်း၊ မွေးစာရင်း၊ လက်ထပ်စာ ချုပ်များတင်ပြနိုင်ပါက မှီခိုသူအဖြစ်သက်တမ်းတိုးဆောင်ရွက်နိုင်မှာ ဖြစ်ကြောင်း သိရပါသည်။

       မြန်မာနိုင်ငံသို့ အကြောင်းအမျိုးမျိုးကြောင့် ပြန် လာမည့်သူများအနေနှင့် စင်ကာပူမြို့/မြန်မာသံရုံးမှာ လစာဝင်ငွေ အပေါ် ဝင်ငွေခွန်များ ထမ်းဆောင်ပြီးကြောင်း/မှီခို/ကျောင်းသားထောက်ခံ စာ လာရောက်ယူဆောင်သွားရန် လိုအပ်သွားမည်ဖြစ်ကြောင်း သံရုံးမှ အသိပေးထားပါသည်။

#PAN