အောက်တိုဘာ ၂၈
ကရင်ပြည်နယ်၊ ကော့ကရိတ်မြို့ကို ယမန်နေ့ကစတင်၍ ပစ်မှတ်ထား တိုက်ခိုက်နေသည့် အကြမ်းဖက်သောင်းကျန်းသူ KKO(ခွဲထွက်)အဖွဲ့က တစ်ကျော့ပြန်တိုက်ခိုက်လာရာ ယနေ့ နံနက်ပိုင်းတွင် ကျားဖြူစစ် ကြောင်းသည် ကော့ကရိတ်မြို့ မြောက်ဖက်၊ အနောက်မြောက်ဖက်တို့မှလည်းကောင်း၊ Cobra စစ် ကြောင်း သည် ကော့ကရိတ်မြို့ တောင်ဖက်၊ အရှေ့ တောင်ဖက်မှလည်းကောင်း ဝင်ရောက်တိုက်ခိုက်လာသည်။
အဆိုပါ တိုက်ပွဲတွင် Cobra စစ်ကြောင်းမှ ၃ ဦးကျဆုံးကြောင်း ၎င်းတို့၏ လူမှုကွန်ယက်တွင် ဖော်ပြထားသည်။ ကော့ကရိတ်မြို့၏ အရှေ့ တောင်ဖက် ကော့ကရိတ် – မြဝတီ အာရှလမ်းမကြီးဘေးရှိ ကော့နွဲကျေးရွာအနီးတွင် ဖြစ်ပွားသောတိုက်ပွဲ၌ ကော်ပရာစစ်ကြောင်းမှ အဖွဲ့ခေါင်းဆောင်တစ်ဦးဖြစ်သော ရှိုင်ထက်အောင် မှာ တိုက်ပွဲကျသွားပြီး ၎င်းအဖွဲ့မှ ၆ ယောက်ကို တပ်မတော်လုံခြုံရေးအဖွဲ့က အရှင်ဖမ်းမိထား သည်ဟု ကော့နွဲ့ရွာသား တစ်ဦးက သတင်းပေးပို့လာပါသည်။
အဆိုပါ ရှိုင်ထက်အောင် ဆိုသူမှာ ယခင် မတ်လ ၂၅ ရက်နေ့က မြဝတီကုန်သွယ်ရေးဇုန်ကို ဝင်ရောက်စီးနင်းပြီး ရဲတပ်ဖွဲ့ဝင်များကို ပစ်ခတ်သတ်ဖြတ်၍ မီးရှို့ဖျက်ဆီးခဲ့သည့် ကော်ပရာစစ်ကြောင်း အဖွဲ့ခေါင်း ဆောင်ဖြစ်ကြောင်း သိရပါသည်။
#PAN