ဇူလိုင် ၇
ယနေ့ နံနက် ၉ နာရီအချိန်ခန့်တွင် ကရင် ပြည်နယ်၊ ကြာအင်းဆိပ်ကြီးမြို့နယ်၊ ရွှေဒိုးကျေးရွာအုပ်စု၊ ကျောက်ခဲကုန်းကျေးရွာ၊ ကြာ အင်းဆိပ်ကြီး- ချောင်းနှစ်ခွကားလမ်းဘေး(ကြာအင်းဆိပ်ကြီးမြို့အဝင်)နေရာရှိ ကြာအင်းဆိပ်ကြီးမြို့ဓာတ်အားခွဲရုံနေရာကို အကြမ်း ဖက်သောင်းကျန်းသူ KNLA တပ်မဟာ(၆)၊ ရင်း (၁၇)၊ ခွဲ(၁)မှ ခွဲမှူးအဆင့်ရှိ ကျော်ဇင် ခေါင်း ဆောင်သောအဖွဲ့နှင့် PDF အကြမ်းဖက်ပူးပေါင်းအဖွဲ့ အင်အား ၃၅ ဦးခန့်က မိုင်းထောင်ဖောက် ခွဲဖျက်ဆီးခဲ့ကြောင်း သိရှိရပါသည်။
ဖြစ်စဉ်မှာ အကြမ်းဖက်သောင်းကျန်းသူ KNLA တပ်မဟာ(၆)၊ ရင်း(၁၇)၊ ခွဲ(၁)မှ ခွဲမှူးအဆင့်ရှိ ကျော်ဇင် ခေါင်းဆောင်သောအဖွဲ့နှင့် PDF အကြမ်းဖက်ပူးပေါင်းအဖွဲ့အင်အား ၃၅ ဦးခန့်သည် ယူနီဖောင်းဝတ်/လက်နက်ငယ်ကိုယ်စီကိုင်ဆောင်ကာ ခြေလျင်ဖြင့် ကြာအင်းဆိပ်ကြီး မြို့နယ်၊ ရွှေလင်းကျေးရွာဘက်မှ ကြာအင်းဆိပ်ကြီးမြို့နယ်၊ ရွှေဒိုးကျေးရွာအုပ်စု၊ ကျောက်ခဲကုန်းကျေးရွာ ကြာအင်းဆိပ်ကြီး- ချောင်းနှစ်ခွကားလမ်းဘေးနေရာရှိ ကြာအင်းဆိပ်ကြီးမြို့နယ်အတွင်း လျှပ်စစ်ဓာတ် အားဖြန့်ဖြူးပေးလျက်ရှိသော (၆၆)ကေဗီအေဓာတ်အားခွဲရုံနေရာသို့ ယနေ့ နံနက် ၇ နာရီအချိန်ခန့်တွင် ရောက်ရှိလာခဲ့ပြီး ဓာတ်အားခွဲရုံဝန်ထမ်းအဆောင်တွင် နေထိုင်လျက်ရှိသော ဦးလွင်ညိမ်းသူ(လျှပ်စစ်ကျွမ်း ကျင်-၃)နှင့် ဝန်ထမ်း(၅)ဦးတို့၏ ဖုန်းများအားသိမ်းယူပြီး ဓာတ်အားခွဲရုံဝန်းအပြင်ဘက် ကားလမ်းပေါ်တွင် ထိုင်ခိုင်းထားကာ အကြမ်းဖက်အဖွဲ့ များမှ ဓာတ်အားခွဲရုံဝန်းအတွင်းရှိအဆောက်အဦနှင့် ထရန်စဖော်မာတို့ကို မိုင်းထောင်ဖောက်ခွဲခဲ့ပြီး ရွှေလင်းကျေးရွာဘက်သို့ ပြန်လည်ထွက်ခွာသွားခဲ့ခြင်း ဖြစ်ပါသည်။
ထိုသို့ မိုင်းထောင်ဖောက်ခွဲမှုကြောင့် 66/11 KV (10mba) နှင့် 66/33KV(30mba)ထရန်စဖော်မာ(၂)လုံး၊ Control Room Pannel များအားလုံး ပျက်စီးခဲ့ပြီး ထိန်းချုပ်အဆောက်အဦး အလျား(၄၀)ပေ၊ အနံ(၂၅)ပေရှိ သွပ်မိုး/အုတ်ကာ အဆောက်အဦးအမိုးသွပ်များ၊ မျက်နှာကျက်များ၊ ပြတင်းပေါက်များအားလုံးနှင့် အဆောက် အဦအတွင်းရှိ ထိန်းချုပ်ပစ္စည်းများအားလုံးပျက်
စီးခဲ့ပြီး ပျက်စီးဆုံးရှုံးမှုတန်ဖိုးမှာ ကာလတန်ဖိုးငွေကျပ်သိန်း ၂၀၀၀ ကျော်ခန့်ဖြစ်ကြောင်းနှင့် ဖြစ်စဉ်နေရာနှင့်အနီးဝန်းကျင်ကို နယ်မြေခံစစ်ကြောင်းက နယ်မြေရှင်းလင်းရေးလုပ်ငန်းများဆောင်ရွက်လျက်ရှိကြောင်း သတင်းရရှိပါသည်။
#PAN