မေ ၂၆
ယမန်နေ့ ည ၈ နာရီအချိန်ခန့်တွင် မန္တလေး တိုင်းဒေသကြီး၊ပြည်ကြီးတံခွန်မြို့နယ်၊(ဃ)ရပ် ကွက်၊၁၁၅လမ်း၊၆၁×၆၂လမ်းကြားရှိ မြို့နယ်အထွေထွေအုပ်ချုပ်ရေးရုံး အထက်ကောင်းကင်ယံ အမြင့်ပေ ၅၀၀ခန့်တွင် ဒရုန်းတစ်စီး ပျံသန်းနေသည်ကိုတွေ့ရှိရသည့်အတွက် လုံခြုံရေးတာဝန်ကျအဖွဲ့မှ လက်နက်ငယ်ဖြင့် အချက် ၅၀ ခန့် ပစ်ခတ်ခဲ့ရာ အဆိုပါဒရုန်းမှာ အရှေ့ဘက်သို့ ဆက်လက်ပျံသန်းသွားကြောင်း သိရှိရပါသည်။
အလားတူ ည ၈ နာရီ ၅ မီးနစ်အချိန်ခန့်တွင်မန္တလေးတိုင်းဒေသကြီး၊ချမ်းမြသာစည်မြို့နယ်၊မြို့သစ်(၁)ရပ်ကွက်၊၆၈လမ်း၊ ၁၀၄×၁၀၅လမ်း ကြားရှိ မန္တလေးတိုင်းဒေသကြီး၊တရားလွှတ်တော်ရုံးနှင့် တိုင်းဒေသကြီးဥပဒေချုပ်ရုံး အထက်ကောင်းကင်ယံတွင် ဒရုန်းတစ်စီး ပျံသန်းနေသည်ကိုတွေ့ရှိရသည့်အတွက် လုံခြုံရေးတာဝန်ကျအဖွဲ့က မောင်းပြန်ရိုင်ဖယ်ဖြင့် ၁၈ ချက်ခန့် ပစ်ခတ်ခဲ့ရာ အဆိုပါဒရုန်းမှာ အနောက်တောင်ဘက်သို့ ဆက်လက်ပျံသန်းသွားကြောင်း သတင်းရရှိပါ သည်။
တိုက်းဖျက်ပြည်ဆူ ပါတီ NLD ၏ လက်ဝေခံ NUG ပြည်ပြေးအဖွဲ့ မွေးဖွားပေးခဲ့သော PDF အမည်ခံ အကြမ်းဖက်အဖွဲ့ စစ်အစိုးရတော်လှန် ရေး အမည်ခံထားသော်လည်း လက်တွေ့တွင် အရပ်ဖက်ပစ်မှတ်များကိုသာ နည်းမျိုးစုံဖြင့် တိုက်ခိုက်နေကြကြောင်း၊ ”ငါနဲ့မတူ ငါ့ရန်သူ”ဟူသော အကြမ်းဖက်ဝါဒအရ ၎င်းတို့ကို အားပေးထောက်ခံခြင်းမရှိသူများကို ရန်သူဟု သဘောထား၍ လူသားတိုင်းလိုက်နာကျင့်သုံးရမည့် ဂျီနီဗာကွန်းဗင်းရှင်းနိုင်ငံတကာဥပဒေကို မသိနားမလည်ဘဲ အလွယ်တကူချိုးဖောက်နေကြသဖြင့် မည်သည့်ဖက်မှမပါဘဲ အေးချမ်းစွာနေထိုင်လိုသောပြည်သူများအနေဖြင့် စိုးရိမ်ထိတ်လန့်စွာ နေထိုင်နေကြရကြောင်း သိရှိရပါသည်။