(မှုခင်း) စက်တင်ဘာ ၂၂
ဘီယာတွေတင်ဆောင်လာတဲ့ ခြောက်ဘီးကားတစီးဟာ မန္တလေးမြို့အဝင်မှာ မတော်တဆတိမ်းမှောက်မှုဖြစ်ပွားခဲ့ပေမယ့် ထိခိုက်ဒဏ်ရာရတာတော့မရှိဘူးလို့ သိရပါတယ်။
ဒီနေ့ စက်တင်ဘာ၂၂ရက် ည၆နာရီအချိန်က မန္တလေးမြို့၊ ပြည်ကြီးတံခွန်မြို့နယ် တံခွန်တိုင်အဝိုင်းနားမှာ ဖြစ်ပွားခဲ့တာလို့ မြန်မာနိုင်ငံလူမှုကယ်ဆယ်ရေးအဖွဲ့ (မန္တလေး) ထံကသိရပါတယ်။
ဘီယာများကို တင်ဆောင်လာတဲ့ ခြောက်ဘီးယာဥ်တစ်စီး တိမ်းမှောက်နေတဲ့ သတင်းအရ ရှာဖွေကယ်ဆယ်ရေးယာဥ်နဲ့ ရှာဖွေကယ်ဆယ်ရေးအဖွဲ့ဝင်တွေ ထွက်ခွာ ကူညီခဲ့တယ်လို့လည်း မြန်မာနိုင်ငံလူမှုကယ်ဆယ်ရေးအဖွဲ့ (မန္တလေးတိုင်းရုံး)ကပြောပါတယ်။
ဘီယာတင် ခြောက်ဘီးယာဉ် မတော်တဆတိမ်းမှောက်မှုကြောင့် ထိခိုက်ဒဏ်ရာရရှိသူ တစ်ဦးတစ်ယောက်မှမရှိဘူးလို့လည်း သိရပါတယ်။
#PAN